La Usc di Ladins

»L é n gran recor« coscita Mariapaola Pettena, na noscia letora e ensegnanta, à entitolà n scrit che l’à manà te noscia redazion per palesèr n despiajer che segur no l é demò so, ma de n muie de etres. »Per me l istà l é n moment da se goder nesc bie posć, da jir a mont, n moment ence de pasc e de reflescion. Sarà coscita percheche no cogne corer a lurar, posse me la tor con più calma. Emben enstadì me é pissà de jir sun Sas da le Undesc, l era ja doi o trei egn che no ruae più su. Me é enjignà l prossach e via coi bachec a me goder chela bela giornada de soreie.
Canche son stata olache n’outa l era l ‘bait del Nello’, me pissae de sentir chel bel son sćiantif di ciampanie de le vace e de n veder n schiap a past, ma no la é stata coscita; son jita mingol più inant, tant da ruar olache l é la Malga di Munciogn e é vedù l cartel »Malga chiusa«....Che encresciujum!«

Per responer a chest dubie de Mariapaola Pettena e ence de duc i etres nesc letores enteressé, e saer percheche la Malga di Munciogn no la é stata averta, aon domanà fora l capofrazion de Poza Bernardino Zulian.

De più su La Usc stampèda de en vender ai 19 de messèl del 2024  (Lucia Gross)