La Usc di Ladins

Anter i studenc fascegn che se à diplomà con la stima più auta l é ence na tousa da Poza, Giulia Crepaz, che à arjont l resultat de 100 e la lauda.

Giulia la é del 2006, l’à fat l Liceo di Lengac Marcelline de Busan e l’à cernù l liceo sperimental Leo, l’à fat cinch egn de scola auta te cater egn, per chest la se à diplomà n an dant che si conscric.

Via per chest an de scola la se à metù al luster ence tel studie del lengaz e cultura talièna ajache la é stata selezionèda da sia scola per tor pèrt a la Giornata della Dante 2024 olache la é stata premièda te na bela zerimonia a la fin de mé. N percors empegnatif che Giulia l’à semper tout dant con gran dedizion. L’aon sentuda al telefon per se fèr contèr vèlch de più.

Giulia, ne diste vèlch de tie percors scolastich?

Giulia Crepaz Ei, canche é tacà gio l liceo l era jà l quarto an che a le Marcelline i fajea chest projet sperimental, en pratega en pruma sion partì più inant col program e man a man che jiane inant sion jic semper più debel per conzentrar i cinch egn te cater. De lengac se podea cerner anter franzous e spagnol o rus e cineis e gio é cernù le prume doi, apede a todesch e ingleis.

Duta l'intervista su La Usc stampèda de en vender ai 19 de messèl del 2024  (Monica Cigolla)