Chesta scontrèda, descheche l’à dit al scomenz la presidenta de la sociazion Annalisa Zorzi, é stata metuda a jir tel chèder del Pian de trei egn per na comunità amica de la persones con demenza con Spazio Argento e i Servijes sozièi del Comun General de Fascia. L’ocajion é vegnuda da la prejenza en feries a Moena del professor Giorgio Fumagalli, joen neurologh laureà e spezialisà a Milan e a Londra che ades l é a Rorei al CIMeC (Centro Interdipartimentale Mente/Cervello) de l’Università de Trent, olache l laora al CeRiN, l Zenter de
View the embedded image gallery online at:
https://www.lausc.it/valedes-ladines/fascia/27572-tegnon-l-cef-en-moviment#sigProId76eb02e067
https://www.lausc.it/valedes-ladines/fascia/27572-tegnon-l-cef-en-moviment#sigProId76eb02e067
L professor Fumagalli à portà dant sie intervent a na vida n muie chièra e concreta, soscedan do e do la partezipazion del publich. Prum de dut l à portà dant vèlch ejempie de test che analisea la capazità de la ureia, del moviment e de la funzions cognitives per mesurèr l’età biologica, che de spes no l é la medema che chela anagrafica. Se pel defat esser più o manco ‘en forma’, te una o l’autra capazità, respet a chel che noscia età sui documenc dijessa.
Fumagalli à rejonà de la desferenza anter i prozesc patologics, che pel vegnir da desvaliva malaties neurodegeneratives, e chi biologics, che con l’età porta naturalmenter a smendrèr la capazità de reazion a stimoi desvalives. La burta neva l é donca che duc, col vegnir veies, cognon fèr i conts con chesta limitazions, che aboncont no les ne tocia duc te la medema maniera. La bela neva enveze l é che ogneun pel fèr vèlch per ge tegnir poz a chisc prozesc biologics e degeneratives.
De più su La Usc stampèda de en vender ai 19 de messèl del 2024 (Lucia Gross)