N muie de aboné de Mazin, Ciampedel e Cianacei i ne à chiamà chest ultim temp per ne dir che no i à ciapà La Usc di Ladins la setemènes passèdes, o che adertura à ciapà cater numeres duc ensema.
Da man de l’Union Generela di Ladins dla Dolomites, editora del sfoi, e de noscia redazion de Fascia se scuson amò, ma noi no n podon nia. Chesta mèl destribuzion va inant da n trat: semper più de spes La Usc no vegn portèda fora de vender, zachei ciapa l sfoi de sabeda, ma tropes i cogn spetèr l lunesc o l mèrtesc do. Aane metù en cont che la edizion dai 28 de jugn, manèda a duta la families con ite l Boletin del Comun General de Fascia, per l gran numer de sfoes l’aessa podù vegnir portèda fora via per la setemèna do, ma a vèlch abonà la ge é stata consegnèda adertura empruma la setemèna passèda, do n meis, ensema a etres cater numeres. Se aon lamentà più che n’outa de chest zomp servije e sion do a veder che che se pel fèr per l denunzièr ofizialmenter.
Saon che ti ofizies de la Postes l é da poder scriver ite na letra de reclam, che se pel desćiarièr ence online e ge manèr a la Postes. A chest pont ve domanon a vo de ve fèr sentir, percheche desche aboné aede dut l derit de ciapèr a cèsa l sfoi l dì che l vegn consegnà ti ofizies de la Postes, e no n meis do.
»No me é ruà La Usc!«
... e do trei setemènes ades me n é ruà 4 numeres ensema...
Galaria retrac
View the embedded image gallery online at:
https://www.lausc.it/valedes-ladines/fascia/27584-no-me-e-rua-la-usc#sigProIdfefe0ae82a
https://www.lausc.it/valedes-ladines/fascia/27584-no-me-e-rua-la-usc#sigProIdfefe0ae82a