Chisc dis se sent de spes rejonèr de overturism, de lesc che taca a se remir percheche l é massa jent foresta a descapit di servijes e l ben stèr de la jent del post. Ence te Fascia, soraldut chisc egn do l Covid, se à tacà a veder numer semper maores de ghesć. Se acà vèlch an la coudes sun stradon era demò la doi setemènes entorn la Madona de aost, ades les taca ite jà con la metà de messèl. Chi che cogn jir a lurèr da la Val de Sot a la Val de Sora o dal auter vers i cogn pontèr via da doman bonora se no i vel stèr en couda e valif per se n jir deretorn da sera a cèsa. E canche de domenia se volessa se goder noscia monts se é grames a troèr n post per meter ju l auto, a se n jir en pèsc do n vièl, a se fermèr a fèr doi ciacoles col patron del refuge. Él chest chel che volon dalbon per noscia val?
N auter aspet che taca a doventèr semper più critich l é i posć per i auti. La Aministrazions de Comun à tacà a meter beleche duc si parcheges a paament o a limitazion de orarie o resservé demò ai autorisé. Ma olà pelei coscita troèr post i lurieranc fascegn che va fora de paisc a lurèr e i cogn se spostèr con l auto?
De più su La Usc stampèda de en vender ai 26 de messèl. (Monica Cigolla)
Él chest l turism che volon?
I sentadins stenta a troèr post per lascèr ju l auto per lurier. Ti piazai zenza limitazions l é semper più camper. L é de besegn de più arees destinèdes e atrezèdes.
Galaria retrac
View the embedded image gallery online at:
https://www.lausc.it/valedes-ladines/fascia/27586-el-chest-l-turism-che-volon#sigProId2d91f73b6f
https://www.lausc.it/valedes-ladines/fascia/27586-el-chest-l-turism-che-volon#sigProId2d91f73b6f