La é endò ruèda te Consei de Comun de Sèn Jan la costion de la condizions de la spersa jun Pucia tedant a QC Terme che somea che sie doventà na gran desćèria. En jebia ai 11 de messèl l Consei à tout dant na interogazion del grop de mendranza manèda ite amò ai prumes de jugn olache vegn descrit con tant de retrac la situazion de arbandon. »Da egn la mendranza domana che vegne fat n intervent de ressanament de la spersa de Pucia tedant a le Terme – scrif l grop de mendranza per ousc de la capogrop Lara Battisti. Acà n an la conseiera Karol Pescosta aea fat le medeme osservazion te Consei ence aldò de chel che l era vegnù fora te la radunanza de Fassa Terme olache l era stat descoret de le zompe condizion de chela spersa dijan che l Comun no aea fat nia respet a le emprometude di ultimes trei egn...«
Su La Usc stampèda de en vender ai 26 de messèl se pel lejer de più, ence la resposta del ombilt Giulio Florian, che aboncont no l'à contentà l grop de maoranza. (Monica Cigolla)
Jun Pucia: n depojit che speta de doventèr n piaz dai auti
L ombolt de Comun de Sèn Jan Giulio Florian ge à responet a l’interogazion del grop de mendranza su la situazion de dejodech de la spersa tedant le terme.
Galaria retrac
View the embedded image gallery online at:
https://www.lausc.it/valedes-ladines/fascia/27589-jun-pucia-n-depojit-che-speta-de-doventer-n-piaz-dai-auti#sigProId640c0e0ab7
https://www.lausc.it/valedes-ladines/fascia/27589-jun-pucia-n-depojit-che-speta-de-doventer-n-piaz-dai-auti#sigProId640c0e0ab7