La Usc di Ladins

Va inant con bon ejit l lurier de la redazion, dut de volontariat, del boletin del Grop Ladin da Moena, che l an passà l à festejà l bel zil di 60 egn. 

Tel meis de jugn l é vegnù fora l secondo di 4 numers de »Nosha Jent« pervedui fora per l an, n numer aprijià ence percheche, apede ai scric di componenc de la redazion, se troa desvalives contribuc da autre persone che deida a meter ensema na publicazion varia e rica.

Apede chest, l Grop Ladin da Moena, col sostegn de l’Union di ladins la é do a ge far aer chisc dis a duc i aboné n auter don. Dut é nasciù da la gran desponibilità de na femena da Moena, Isabella Iellici da Penia, che l’à azetà de contar e meter a la leta soa storia personala: la storia de na tosata cresciuda te n contest senester, che l’à sapù ge far front a le dificoltà, ma che la se à semper tegnù daite n grop, che ades la é stata bona de molar fora, per i sie de ciasa ma ence per duc chi v el lejer, e che i pel troar te soe parole no demò n ejempie che dasc speranza, ma ence n picol cader de storia e de letradutra ladina.

De più su La Usc stampèda de en vender ai 27 de messèl.  (LG)