La Usc di Ladins

Colugn éi i servijes de didament per la persones che à più che 65 egn atives te Fascia? E olà se pelel se oujer per aer chisc servijes? Per responer a chesta domanes e per slarièr fora più che l é meso anter la comunanza duta la informazions utoles, l Servije sozio-assistenzièl – Spazio Argento del Comun General de Fascia à prejentà en vender ai 30 de aost n nef codejel informatif. Se trata de na guida olache l é stat regoet duc i servijes e i intervenc per la jent che à più che 65 egn e per sia families e chi che dèsc assistenza. 

Do l salut de la conseiera de procura al sozièl Mirella Florian l é stat la coordenadora Cipriana Tomaselli che à prejentà l codejel metù ensema de gra a la colaborazion anter CGF, APSP e Apss te la persones de la assistenta sozièla Cristina Rizzardi, la capo infermiera Elisa Zanet, la animatora e formatora de la Cèsa de Paussa Serena Pederiva, Giulia Donei e apontin Cipriana Tomaselli del Comun General de Fascia. 

De più su La Usc stampèda de en vender ai 6 de setember.  (Monica Cigolla)