La Usc di Ladins

L é stat na bela giornèda, en sabeda ai 31 de aost, per n grop de persones che no veit o veit pech, che con la ‘Unione Italiana Ciechi e Ipovedenti’ de Trent les à podù se goder na bela dì sa mont, sun Gardecia, sot la veièda stolza de la maetouses Torns del Vaiolet.
»Fin dal scomenz de l’aventura, a Pera per jir con la sentadoa sun Pian Pecei, duc aon podù se lascèr sul personal che con profescionalità e desponibilità ne à didà a se sentir segures e secodii – à dit l president de la Union Dario Trentini – e a chesta vida aon podù aprijièr chesta esperienza de lijiereza e se goder l braciacol del acort e del chiet.«
Per chest l vel ge dir n develpai bon fort a la Sozietà di Impianc portamont Catinaccio per i aer touc ite con profescionalità, bela maniera e debant, e ge sporjer n rengraziament ence al refuge Stella Alpina Spiz Piaz per l bon azet.

De più su La Usc stampèda de en vender ai 9 de setember.  (lg)