La Usc di Ladins

Prum de dut ge dajon na veiada ai dac, co él jit l istà?
Nicolò Weiss De jugn aon abù -0,6% de prejenze: no l era la Val de Fascia Running che porta 8.000 prejenze e l event de rode da mont che l an passà aea portà 10.000 jent; en dut l é stat 224.000 prejenze a confront de le 226.000 del 2023. De messal aon serà su con +4,5% de prejenze ma l é stat n smendrament de ghesć taliegn con -10% de jent ruada te val e enveze n boom de foresć. Manco jent ma che la se ferma più dis. Chiò ge volarà se far n pensier e jir tel detai. De aost enveze aon segnà +6,9% de prejenze e +13,2% de jent ruada che se à fermà mingol manco dis. I ghesć taliegn é stac +5,9%. A veder i numeres de aost me é tirà su na costa, n 10% de taliegn de manco de messal che velel dir? E più o manco la medema perzentuala te duc i paijes. I taliegn l é nesc maores ghesć d’istà, l 20% de chi che vegn ades dapò i vegn ence d’invern. Ben segur che i dac ge vel i lejer ben, col segn positif va dut ben e se desmention sobito de dut chel che l é stat dintornvia. I numeres i é ence mingol gabologn percheche i te dasc l sens che dut va ben, ma saon che l é valch strutura più picola che à padì, soraldut chele a gestion familiara che no à gregn servijes e ence valch cartier à padì mingol de messal.

Podede lejer duta l'intervista su La Usc stampèda de en vender ai 20 de setember.  ( Monica Cigolla)