La Usc di Ladins

L é stat na sera rica de emozion, en vender ai 13 de setember te la sala Simonin Maza de la Scoles de Moena, piena e rèsa. L era l ultim apuntament de ‘Moena Incontri’ e, descheche à dit la vizeombolta e assessora a la cultura Cristina Donei, chesta rassegna no l’aessa podù se serèr su a na vida miora.

Tanta la jent ruèda, da Moena ma ence da duta Fascia e da più dalonc, per tor pèrt a la recordanza de Bepi de Francesch, »mans da straverc«, descheche lo à batejà Tommaso Magalotti che à scrit sia biografia vegnuda fora del 2001, ma ence »om di ensomesc«, pean via dal titol »Noi alpinisti siamo sognatori«, l inom cernù da Chiara Turrini e sia fia Stefania Scartezzini, che per recordèr i 100 egn che l Bepo, coche i ge dijea a Moena, l’aessa compì chest an, da chel liber les à metù ensema n bel recital. Ideatora e autora, respetivamenter, Chiara Turrini e Stefania Scartezzini, ma ence duta does atores, che te chesta sera les à let ju con intensità i tesć che à portà dant a na vida poetica la impreses, ma ence i raporc, i pensieres e i ensomesc del Bepo.
N viac che é doventà amò più sugestif con la cianties del Cor Enrosadira e l compagnament musical de Stefen Dell’Antonio Monech.

De più su La Usc stampèda de en vender ai 20 de setember.  (Lucia Gross)