La Usc di Ladins

L é ruà beleche a 250 l numer di sozi de Rencureme, la sociazion nasciuda jai 15 egn da persones che à proà sun sia pel che che vel dir aer te familia n malà de Alzheimer e no saer olà bater l cef, e per chest les à pissà de se meter adum per chierir de portèr n didament a chi che te Fascia e Fiem se troèa a cogner ge fèr front a la medema situazion. Da enlouta l’età mesèna de la popolazion é cresciuda debel e con chesta ence l numer de persones con Alzheimer, malaties degeneratives o smendrament cognitif: i dac disc che tel Trentin l é 10.000 persones che padesc de demenza, 8.000 a na vida lijiera, e 2.000 les é sot i 65 egn. Te chisc egn Rencureme l é doventà n pont de referiment ence sorafora noscia valèdes, se vadagnan stima a livel provinzièl.

En jebia ai 4 de oril per la radunanza generèla de la sociazion la sala Rovisi de Moena la era piena de sozi, che i à aproà duc a una e con n gran batiman la relazions su l’atività del 2024 e i projec per l 2025, porté dant da la presidenta Annalisa Zorzi e dal vizepresident Roberto Nizzi, e chela finanzièla col bilanz prejentà da la secretèra Grazia Dondio, compagné dai etres componenc del diretif.

Se pel lejer dut su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)