La Usc di Ladins

De dezëmber iel for inò la ucajion per prejenté l Calënder de Gherdëina dl ann nuef che ie dan porta. Nce chëst ann puderà l cumité de redazion prejenté l Calënder nuef tla biblioteca ladina Anda Malia da Cudan dla Cësa di Ladins a Urtijëi. L argumënt zentrel de chësta edizion ie la tradizion dl jì a tré zedules, cun duta la fotografies dla mostra che la Union di Ladins de Gherdëina ova fat chëst ann d'ansciuda, y n articul ntrodutif de Elfriede Perathoner n con' dla storia de chësta tradizion y de coche la se à mudà ti ani. La sëira unirà abelida dal Trio d'ëiles de Gherdëina. La ULG se ncunforta sun Vosc unì.