La Usc di Ladins

L’enes passedes fòvel feter n scich te y ntëur dlieja, de plu lauranc à messù tré metri y metri de cabli, furé bujes, spusté roles, y dut ntan che la dlieja fova davierta y ntan che n liejova, coche for, la mësses. Śën che n à finà dut cant pòssen udëi y dantaldut audì l resultat. Na firma spezialiseda dl Friul à giapà la ncëria dal Cunsëi de Pluania de cialé do y fé da nuef l mplant audio. Vel’ un se lamentova che n audiva nia drë’ bën te dlieja, ma dantaldut
manciòvela tl radio ulache la cualità fova stleta. Udù dant fòvel de spënder ntëur ai caranta mile euro, na soma nia pitla, ma la maiuranza dl cunsëi ova mpo dit de sci. Ntan i lëures àn pona mo fat ora de mëter su vel’ camera de segurëza auzan la spëises a feter sessanta mile euro.

SPM

Dut l articul tla edizion atuela de La Usc di Ladins.