N dumënia ai 21 de lugio iel stat la Segra de Santa Cristina, na festa mprima de dlieja y na tradizion scialdi prijeda dala jënt de Gherdëina
cun de bela mujiga, velch de bon da maië y da bever y juesc dala fertuna cun de biei pesć. Scumencià à la festa bele n sada
sëira cun l cunzert dla Böhmische de Santa Cristina y daldò cun mujiga y da maië y da bever sot ala tënda y nce te pra. Na bela sëira sarëina,
nia massa frëida, y na gran cumpëida de jënt da duta Gherdëina y nia mé. N'ucajion per se ancunté y s'la ciaculé, cun l acumpaniamënt dla
grupa de mujiga de Gherdëina sunIseida. Inant ie jita la festa nchin tert tl stont dala snops cun mujiga moderna de DJ Ondi.
Nathalie Stuffer
De coche la ie stata n dumënia y nce dla Segra n generel pòssen liejer tla edizion nueva de n vënderdi ai 26 de lugio de La Usc di Ladins.