La Usc di Ladins

Oramai él feter na tradiziun, che le Vësco Ivo Muser röia n iade al ann por jí cun compagns da La Val sön munt. Iniann ésera gnüda a s’al dé ai 17 de agost. Le Vësco Ivo y so fre Bruno s’á metü sön tru da doman adora, deboriada cun l’Ombolt da La Val Angel Miribung, la presidënta dla Unité Pastorala Annamaria Fiung, Hansi Rubatscher y Agostin Moling. Dala Capanna Alpina demez é le grup rové a fá le Tru dla Pêsc, spo cina sön Valun Blanch, jö en Fanes y cina jö Fiames te Ampëz. N de de compagnia, che s’á mostré ince chësc iade da süa plü bela pert.