La Usc di Ladins

En sabeda e en domenia passèda se à dejout a Cianacei i dis FAI da d’uton. L Grop de Fascia e Fiem, che fèsc pèrt de la delegazion de Trent, à portà dant »Cianacei anter doi patries«: i volontadives se à cruzià de endrezèder vijites vidèdes al paisc, al cianton de Chieva, a la belezes naturèles e culturèles de Mortic.

L FAI, descheche à despiegà Annalisa Zorzi, l é na fondazion nasciuda a Milan ti egn Setanta e l’à a cher la belezes culturèles e naturèles de la Tèlia. L’à en cèria più che 70 bens che ge é stac lascé e de chisc 52 i é averc: l FAI l se cruzia de mantegnir chisc bens e de fèr cognoscer i lesc de la cultura. »Enceben che Cianacei e noscia val sie cognosciui a livel turistich, l é amò testimonianzes che conta nosc passà«, chest l é stat n pensier del capogrop Gabriele Mambo Valentini che à envià via beleche ogne vijita ensema a na prejentazion del ladin.

De più su La Usc stampèda de en vender ai 18 de otober.

 (Nicoletta Riz)