La Usc di Ladins

L arziduca Franz Ferdinand à paié zirca l 80% del cost
Ai 23 de jugn del 1912 ven inauguré a La Plié da Fodom l monument dediché a Catarina Lanz.
Bele ntel 1900 (ai 27 de mei) s’ava pensé fora de recordé Catarina co na statua, ma nsomeia che s’abe volù speté che fenësce pro i laour de la Gran Strada de le Dolomiti. Genio Finazzer l é sté l prescident del comitat comemoratif, daidé pro da Filippo Palla, Piere Demattia e Guido Enrich. Per cherì fora l scultor, a Vienna l eva sté fat n concors giourì a duc: ava vadagné l scultor Josef Parschalk (1864-1932) da Ciastelrot, ma che l vivëva a Vienna: a dël i’é sté dé l’enciaria de fè l laour. Ai 25 de auril del 1905 l imperadou Franz Joseph l é jù a ciaté l scultor, percieche l volëva vedei l model dal vif, nveze l arziduca Franz Ferdinand, l erede al trono copé a Sarajevo ai 28 de jugn del 1914, l é rué nta Fodom de scondon e l à volù se tò su l patrozinio del laour paian dël nstës plu che l 80% del priesc.

De plu tla edizion stampeda de La Usc di Ladins o sun l e-paper a paiament www.lausc.it/e-paper