I arati che le sorvisc dla Crusc Blancia n’ais nia plü debojëgn de gran presentaziuns. Volontares y volontars é a desposiziun 24 ores sön 24 y 7 dis sön 7 por salté adalerch canche al é inzidënc o emergënzes sanitares, mo ince canche al é da acompagné porsones ti ospedai por vijites o cures particolares. N sorvisc che ne jiss mai da paié. Por le pité ince sciöche al toca, fej i volontars ann por ann formaziuns y spezialisaziuns, mo sambëgn ól ince ester i mesi y l’atrezadöra aladô. De chësc vers él sëgn novités pro la Crusc Blancia d’Al Plan, che á da mez jená incá n meso nü a desposiziun. Ara se trata de n’ambulanza nöia fora dla ciasa VW, che é gnüda benedida ofizialmënter la domënia ai 28 de jená.
Deplü podëise lí y odëi t’La Usc di 9 de forá (pablo)
Ligrëza cun l’ambulanza nöia
La Crusc Blancia d’Al Plan á lascé benedí n’ambulanza nöia por i trasporc programá. La vedla â bele fat passa 380 mile chilometri
Galaria retrac
- Tratan la benedisciun dl auto nü. (© Pablo Palfrader/La Usc di Ladins)
- Les döes ambulanzes dla Crusc Blancia d’Al Plan - a man dërta la nöia. (© Pablo Palfrader/La Usc di Ladins)
View the embedded image gallery online at:
https://www.lausc.it/valedes-ladines/val-badia/26377-ligreza-cun-l-ambulanza-noeia#sigProId234f0b5840
https://www.lausc.it/valedes-ladines/val-badia/26377-ligreza-cun-l-ambulanza-noeia#sigProId234f0b5840