La Usc di Ladins

Da d’aisciöda dl 1874 nasciôl a Schluderns tl Vinschgau n polorin che ti á dé vita a öna dles razes de ciavai plü conesciüdes: chëra dl ciaval haflinger. Le polorin á ciafé l’inom "Folie 249", aladô de so zidladú Josef Folie. Al passenâ porchël ince che Schluderns foss le scenar por festejé le gran iubilé de 150 agn, ci che é sozedü tla fin dl’edema lungia dal 31 de ma ai 2 de jügn.
Tla cornisc dl program rich, él ince gnü metü a jí na gran mostra, olache zidladus da döta la provinzia á condüt alerch sü ciavai plü bi. Ala fin él rové adöm incër 240 tiers, che é gnüs partis sö te indöt 12 categories; te vigni categoria gnôl premié i pröms trëi. Al apel n’á mancé gnanca en chësc iade i zidladus dla Val Badia, che â bele fat parüda püces edemes denant a Neumarkt, pro la iscriziun tl liber genealopgich dles polorines. Parüda ái ince fat te chësta ocajiun.

Deplü t’La Usc di Ladins di 7 de jügn