Coriosité: ês somëna dan l’Istitut Ladin
Na coriosité naturala y n spetacul demorvëia
Les ês y dantadöt süa organisaziun é bele por natöra na morvëia. Chësc mertesc unse albü l’ocajiun da osservé dan Istitut Ladin un de sü spetacui particolars. Danmisdé ia êl bindebó de busiamënt sö por la falzada dl Istitut y indlunch êl ês che rabî. Da ciaré da finestra fora, odôn spo che ares somenâ sön na sala da tët y â cinamai metü man da fá pica. Bonamënter él sté na picia plöia che les á sprigorades, insciö che ares s’á sposté y á porvé "da s’aciasé" sön öna dles scoltöres dl artist Gerald Moroder, che abelësc la plaza dl Istitut. Co che ara ciarâ fora dailó, podëise ciaré ti retrac ch’i ves metun pormez. Ia por le de ál tres indô plovü y les ês é spo indô zessades.
Galaria retrac
- Les ês sö por opera de Gerald Moroder. (Foto: Iaco Rigo)
- Detail, olache an vëiga le gröm d’ês che proa da "s’aciasé". (Foto: David Complojer)
View the embedded image gallery online at:
https://www.lausc.it/valedes-ladines/val-badia/27405-coriosite-es-somena-dan-l-istitut-ladin#sigProIda83ce963c4
https://www.lausc.it/valedes-ladines/val-badia/27405-coriosite-es-somena-dan-l-istitut-ladin#sigProIda83ce963c4