La Usc di Ladins

La ciarestia de proi se lascia sintí y porchël é vigni aiüt bëgnodü. En chësc ann de forá êl rové adalerch don Yuriy dal’Ucraina, che á daidé fora tles sis ploanies dla bassa Val Badia, aministrades da siur Klaus Sottsas. Siur Yuriy stê te calonia a Lungiarü y ê ince atira gnü tut sö bun dala jënt. Le problem: al n’â no n auto y no la patënt, ci che ê na dificolté implü por podëi rodé tles ploanies a dí mëssa. Chësta é ince stada la rajun prinzipala che siur Yuriy é spo rové a daidé fora tl ospedal da Balsan, nes dij le vicar general siur Eugen Runggaldier. Dl ater vers ál la buna noela che al vëgn sëgn n ater prou a daidé fora. Cun incö al 1. de messé röiel alerch siur Marco Veghini, n prou originar da Verona, che ê cina ciamó incardiné a Albenga–Imperia. Siur Marco jará a sté te calonia a Lungiarü y stará n iade chiló por n ann de proa, a daidé fora siur Klaus tles sis ploanies di comuns de Mareo y San Martin.

Deplü ciafëise t’La Usc di 28 de jügn  (pablo)