La Usc di Ladins

Cun les temperatöres plü cialdines, röia indô adalerch les melodies dl festival musical Badiamusica. Por süa 24ejima ediziun á le comité de Badiamusica, cun a ce le presidënt Mathias Crazzolara y le diretur artistich Franz Comploi, metü adöm n program musical rich y de cualité. Al zënter dl festival sarál iniann tematiches d’atualité: sciöche l’archirida dl’identité, temesc spirituai y ince la sosteniblité. Cun le program de 9 conzerc, sternüs fora por la valada y partis sö fora por l’isté, pitará musizisć de livel alt, gnüs n pü’ da indlunch adalerch, esibiziuns che pëia ia dala musiga da ciamena cun i toc plü conesciüs a esibiziuns uniches y sperimentales, sciöche d’atres te n stil plü medieval y particolares.
Ince chësc ann ará le program sües particolarités: "Particolar por chësta ediziun sará le conzert dediché ales composiziuns liturgiches di Öspi, che se desfirará tla dlijia de Badia. Ara se trata de na composiziun, che an n’á ciamó nia odü te chësta forma, portada dant da musizisć dl post", dij Franz Comploi. Mo nia ma, deplü pitará i 9 apuntamënc, portan danter composiziuns classiches ince val’ novité.

Deplü ves dijunse t’La Usc di Ladins di 12 de messé  (MO)