La Usc di Ladins

Le paisc da Toblach é sté trëi dis alalungia tles mans di stödafüch. Dai 28 ai 30 de jügn él gnü desfiré le 28. concurs provinzial di stödafüch y le 46. concurs provinzial di stödafüch jogn. Al apel s’á presenté 1.400 stödafüch atifs y incër 1.300 stödafüch jogn. Pro les scuadres di atifs ne n’êl degünes de nostra valada. Atramënter pro les scuadres di jogn, olache an á odü i grups jonils da La Val, Lungiarü, San Martin de Tor, Badia y La Ila. Tla gara êl da superé de vigni sort de proes: destëne fora na condüta, superé inciamps, pumpé ega y fá grop. Cis buté ára tla categoria por la medaia de brom.
I jogn da La Val – che vëgn acompagná da dui agn incá da Klaus Pescollderungg y Medali Bioc – á salpü da se fá avarëi indortöra. Cun le total de 1.049,41 punc s’ái assiguré le 7. plazamënt sön 101 scuadres partezipantes.

Deplü podëise ciafé t’La Usc di Ladins di 19 de messé  (pablo)