En domënia ai 7 de messé á l’artist da Rina Albert Mellauner d’Adamo invié compagns y conesciüs adöm cun le cor di ëi "Col dla Vedla" da jí sö da süa ütia tl Pre d’Adamo. Chësc post é sön munt da Rina, sot Col dla Vedla cuntra les viles da Alfarëi, Colac, Val y Tru. Al â invié le cor di ëi y siur Paul Campëi por tigní na picia funziun y benedí la ciampana nöia, che l’ex assessur dla provinzia Hugo Valentin ti á scinché a Albert, por la mëte sö pormez al bel anteriöl che l’artist á fat sö y depënt cun de beles pilores, bele dan da n valgügn agn.
Chësta é stada spo l’ocajiun da surandé na scincunda particolara a Lois Huber de Hones, che condüj le cor "Col dla Vedla" bele da canche al é gnü metü sö l’ann 1975. L’ann che vëgn festejarál insciö le iubilé de 50 agn da dirighënt. Albert Mellauner á bele tut chësta ocajiun por ti scinché n depënt cun lassura n angel y la scrita "Angel dl Cor Col dla Vedla".
Deplü t’La Usc di Ladins di 19 de messé (RP)
Compagnia cun benedisciun y scincunda
Tl ann dl Covid â l’artist Albert Mellauner arjigné n anteriöl pormez a süa ütia sön pre da munt. En chësc de ál invié compagns a na picia festa por benedí na ciampana y ince por surandé na scincunda particolara
Galaria retrac
View the embedded image gallery online at:
https://www.lausc.it/valedes-ladines/val-badia/27537-compagnia-cun-benedisciun-y-scincunda#sigProId84456bf71f
https://www.lausc.it/valedes-ladines/val-badia/27537-compagnia-cun-benedisciun-y-scincunda#sigProId84456bf71f