La Usc di Ladins

La tempiada che á atoché ai 17 de messé ince le comun da La Val, á lascé sües mersces, y sëgn vëgnel fat laurs por romené fora le let dl rü."Pro le Rü da La VAl él Chi dai Rüsc cun le capolauranc Tobias Obwegs che fej de mëndri intervënc te plü posć", dij le tecnich de repartiziun Thomas Gamper. I maius danns é stá pro na siëia, olache le let dl rü é gnü slavaté y i mürs de ur é gnüs danejá. Plü ite y jö él les eghes jüdes sura strada fora y spo s’ál abiné sö plü material y lignan. Chi dai Rüsc romenará fora indô le let dl rü, por alzé indô le livel de segurëza, scrí la Provinzia te n comunicat.