La Usc di Ladins

Siur Sepl Granruaz conesciunse. Nasciü sön le lüch da Paracia a Badia, ál tut le tru da prou y é ince sté degan dla Val Badia. Na pert importanta de so tru é dagnora sté l’insegnamënt dla religiun te scora. Al á insigné religiun tles scores elementares, mesanes y altes, da La Val, La Pli y La Ila cina Bornech, Porsenú, Tils y Sterzing. I ultims agn tignîl la ora de religiun tl Lizeum Classich dl Vinzentinum a Porsenú. Cun chësc ann de scora é la inciaria jüda a piz, ince sce al dij: "Magari n’él impó nia sté l’ultima ora de religiun." I se l’un cuntada impara sön sües esperiënzes y sön l’arichimënt che al á sintí da podëi baié de fede.

Siur Sepl, se recordëise pordërt ciamó Osta pröma

• Atmosfera lisiria te classa: Siur Sepl te classa cun valgügn studënc incër ël ia. (Foto: privat)
•  

View the embedded image gallery online at:
https://www.lausc.it/valedes-ladines/val-badia/27575-insigne-religiun-cina-passa-90-agn#sigProIdf112c2540c

ora de religiun te scora?
Mia pröma ora é sigü stada a La Val, olache i sun sté caplan, mo i n’á nia recordanzes plü avisa sön ci impresciun che ara m’á fat. I me recordi indere plü avisa canche i ê prefet tl Kassianeum, olache i â da tigní chic y fá studié 50 jonins tl’eté dla puberté. I n’ê indere nia bun da m’ai tigní, furbi sciöche ai ê. Iló ái ciafé n esaurimënt ai nerfs, mo al é sté na esperiënza che m’á jové döta la vita.

Do l’esaurimënt sëise spo rové cooperadú a La Val...
Por gauja de chësta esperiënza êi tomé da n ejam dër important, porchël m’á dit le vësco che i dê jí a La Val. Iló sunsi rové sciöche cooperadú pro siur Ujöp Pizzinini, che m’â metü da jí a tigní la scora da santusc, che ê vigni domënia, dal mëteman dl Advënt cina ala fin dla Carsëma. Atira me ponsâi che al metess indô man la medema storia sciöche tl Kassianeum. Al ê chi 40 jogn, poste te ponsé. I sun indere jü y ti á fat n discurs de feter n’ora y por mia sorpresa scutâi bi chic. Iö m’aspetâ che ai saltass sö. Y ince sön plaza de dlijia êi dër da orëi bun cun me. Cun chësc ái ciafé plü coraje.

Döta la intervista ciafëise t’La Usc di Ladins di 19 de messé  (Intervista: Pablo Palfrader)