La Usc di Ladins

Ai 6 de messé á Luca Pescollderungg da La Ila arjunt la piza sportiva, davagnan a Morzine tla Francia le titul de campiun dl monn de spartan race "ultra". Sëgn él le paisc nadalin da La Ila che i fej festa. L’apuntamënt é por en vëndres ai 26 de messé dales 18:00, olache an s’abina tl parch dlungia la scora de schi da La Ila. Al gnará festejé le campiun y al ti gnará ince surandé n reconescimënt. Al ne mancia nia musiga dal ví y val’ da bëre y da mangé.