Corusc acrilics, cëra d’ês y raisplais. Chisc é i trëi "ingrediënc" prinzipai che Markus Moling á adoré por mëte sön papier les operes dla mostra personala che é da odëi tl gran salf dl Istitut Ladin Micurá de Rü a San Martin de Tor. "Raisc" é le titul chirí fora por chësta mostra, a chëra che le presidënt dl Istitut Elmar Castlunger á podü saludé na bela cumpëda de jënt. L’artist da La Val lascia odëi te chësta mostra porí chedri che rafigurëia de sü antenac – porsones che al n’á personalmënter nia conesciü, d’atres che al ne conësc forsc gnanca l’inom, áres pö bele vit ince dan da n secul o deplü. Indere ne nen vára tla mostra nia ma dles "raisc" personales, mo bëgn ince dles "raisc" esistenziales y dla natöra umana.
La mostra é da odëi cina ai 4 d’agost, vigni de dales 10:00 ales 12:00 y dales 15:00 ales 19:00. Deplü sön la vernissaja podëise lí t’La Usc di Ladins di 26 de messé (pablo)
Markus Moling vá zoruch ales "Raisc"
Tla mostra personala che é da odëi chisc dis tl gran salf dl Istitut Ladin a San Martin de Tor, presentëia l’artist da La Val Markus Moling portrés artistics de sü antenac. La mostra é ince le früt de n bojëgn dl artist "da mëte la porsona tl zënter de mi laur artistich"
Galaria retrac
View the embedded image gallery online at:
https://www.lausc.it/valedes-ladines/val-badia/27577-zoruch-ales-raisc#sigProIdcbb7cb073b
https://www.lausc.it/valedes-ladines/val-badia/27577-zoruch-ales-raisc#sigProIdcbb7cb073b
