La Usc di Ladins

Dan da plü co diesc dis, s'á desfiré tla localité de Sompunt a Badia la festa d'inaodaziun dl zënter de reziclaje nü. Por chësc evënt á i lauranc y i aministradus de comun, cun ince i mëmbri dl’Uniun di iagri, davert les portes ai zitadins, che é en tröc rová adalerch por cuché ite ti locai dl’implant de racoiüda y de reziclaje nü, sciöche ince ti locai dla sënta nöia di iagri.

Deplü surastanc y aministradus comunai á tut en chësta ocajiun la parora por sotrissé l'importanza dl'implant, bele en fonziun da n'ann a chësta pert. L’inaodaziun cun benedisciun da pert de Siur Iaco Willeit s’á desfiré danter parores de rengraziamënt y complimënc te n’aria de festa, che á tosc do la zerimonia y le momënt simbolich dla taiada dla vëta, ciafé le via, cun n renfrësch abondant arjigné ca dal'Uniun di iagri.


Liede deplü tl'ultima ediziun, de vëndres ai 25 d'otober!