La Usc di Ladins

Cina en mercui ai 30 d’agost dales 17:00 êl tëmp da dé jö i simboi de lista por se presenté ales lîtes provinziales dl Südtirol. Ala fin nen gnarál adoré 16, ajache n movimënt politich n’á dé jö dui, che é gnüs azetá cun resserva y olache an pó sambëgn ma nen adoré un. Chisc é i 17 simboi, che vëgn cumpedá sö do cronologia che ai é gnüs dá jö. 1) Forza Italia, 2) Lega Salvini Premier (cun resserva), 3) Lega Salvini Premier - Uniti per l’Alto Adige (cun resserva), 4) Enzian Südtirol, 5) JWA - Wirth Anderlan, 6) Vita, 7) SVP Südtiroler Volkspartei, 8) Movimento 5 Stelle, 9) Die Freiheitlichen, 10) Für Südtirol mit Widmann, 11) STF Südtiroler Freiheit, 12) Team K, 13) Centro Destra, 14) La Civica, 15) Verdi Grüne Vërc, 16) PD Partito Democratico - Demokratische Partei, 17) Fratelli d’Italia.
Incö al 31 d’agost gnarál trat fora ala niza co che i simboi gnará spo metüs sön les chertes litales.