La Usc di Ladins

L Pest Angelo Trebo festejeia chest ann si prum compliagn toronn y é bele ruvé a la X edizion, che à vedù la partezipazion plu auta dal meteman encà, con ben 18 poetes y poec che à mené ite sies poesies.
L compit da cerne i davagnadours fova tles mans de na giuria, metuda adum da Denni Dorigo, Milena Obwegs, Nicoletta Riz, Carlo Suani y Roland Verra. La giuria fova bele vegnuda nomineda dal EPL–Ert poriLadinsdemerzdl2024yé vegnuda tegnuda socreta tratant duta la fasa de letura y valutazion, per schivé influenzes y compro- metudes. Ti dis passés é si membri ruvés adum a La Ila per desfiré la valutazion dles poejies sun la basa dl anonimat plen; chilò él da auzé fora che i inoms dles autoures y di autours corespondenc ai pseudonims adorés é vegnus descoris empermò do la classificazion finala. A la fin é la giuria ruveda a na dezijion a l’unanimité. L prum pest ti é ju a Silvia Liotto da La Ila/Bornech, l 2. pest a Rafael Prugger de Urtijei/ Milan y l terzo pest ex aequo a les poetes gherdenes Nadia Rungger da Pontives y Rut Bernardi de Urtijei/ Tluses.
La festa de premiazion con les letures da pert di premiés y dles premiedes, con la prejentazion dl liber dles poejies premiedes te dutes les diesc edizions dal 1997 encà y con orela curta per dutes y duc i interessés a la leteratura, vegnirà tegnuda pre- vedibilmenter la sabeda ai 3 de agost olasabedaai10deagosttensit plajoul per la poejia y natura a Badia. Dret content con la partezipazion é l preisdent dl EPL y ideadour dl Pest Iaco Rigo, che rengrazieia dutes y duc chi che à scrit y mené ite sies poejies originales.