La Usc di Ladins

Ostana l é n picol paisc de lengaz ozitan de nience 100 sentadins te la provinzia de Cuneo, te Valle Po japede l Monviso, che vigni an l doventa zenter internazionèl di lengac de mendranza de gra al apuntament »Scritures tel lengaz mère - ecrituras en lenga maire«. Per chest festival de la biodesvalivanza linguistica, che à arjont encomai la XVI^ edizion, rua te la picola vila ozitana autores de lengac mendres da dut l mond.

L mot de chesta edizion, pissà dal referent storich Dario Anghilante, l é »L fech l é amò ros sot la bronzes«. Anter i desvalives momenc de confront e dialogh, tant personèi che sul web, l é chi leé ai protagonisć del Pest Ostana, che l é spartì te desvalives setores.

Se pea via col pest spezièl, che é jit a Koumarami Karama de lengaz dioula del Burkina Faso; dapò l é l pest internazionèl vadagnà da Firat Cewerî, curdo de la Turchia e, chel che ne revèrda pià davejin, l pest per la mendranzes storiches de la Tèlia, che é stat vent dal ladin fascian Stefen Dell’Antonio Monech.


De più su La Usc stampèda de en vender ai 28 de de jugn.