La Usc di Ladins

Dant na ancunteda a Urtijëi cun l diretif dla Union Generela di Ladins dla Dolomites (UGLD), daldò una via a San Martin cun la Lia di Che­ muns Ladins, lia a chëla che Gu­ glielmi ti à dat gran mpurtanza tla ntervista per La Usc tl scumenciamënt de chësc mandat nuef.
La Usc ie stata prejënta pra la prima de chësta doi ancuntedes dl neoassessëur regiunel ladin, cum­ petënt per la mendranzes lingui­ stiches, Luca Guglielmi. Per la UGLD iel stat l diretif, cun la pre­ sidënta Milva Mussner, l vizepre­ sidënt Fernando Brunel – che ie presidënt dla Union di Ladins de Fascia – y la vizepresidënta Manuela Ladurner – che ie presidënta dla Union di Ladins de Fedom.
Guglielmi à dit che l à cherdà ite chësta senteda »per ntënder i cruzi, la problematiches y i bujëns dla UGLD«. La presidënta Mussner à rengrazià l assessëur per la ancun­ teda y à sotrissà la mpurtanza de mparé a se cunëscer miec per jì inant te na bona cunlaurazion danter istituzion regiunela y lia culturela ladina tët. Nsci à Mussner nce ren­ grazià per l sustëni dla Region – y sotrissà si mpurtanza – y à auzà ora che n ne pudëssa assolutamënter nia lauré zënza l sustëni dla man publica, cun la speranza che l sustëni sibe prejënt nce tl daunì.

L articul va inant tla edizion nueva de La Usc de duman vënderdi ai 5 de lugio.

Bruno Maruca