La Usc di Ladins

Momënc da rí cun les clowns Sälly y Merendina
Presentaziun di videos chësta sabeda, ai 10 de jügn dales 17:00 tla Ciasa de Culura a La Ila
Le Cunsëi Cultural tl Comun de Badia inviëia ala presentaziun di videos sot le moto »Momënc da rí« cun les clowns Sälly y Merendina indoman sabeda, ai 10 de jügn dales 17:00, tla Ciasa de Cultura a La Ila. La produ­ziun di videos é gnüda realisada da Davide Records, la musiga é de Benni Valentin.
Ince les clowns sará presëntes y portará dant val’ sketch plajor por pici y gragn!


Colaboradus stersc – Aziëndes stersces
Chësc

• 
•  

View the embedded image gallery online at:
https://www.lausc.it/manifestazions-y-evenc/23898-manifestazions-atuales-speziales#sigProId94345058c5

é le titul de n referat cun Paul Felix Rigo, ai 14 de jügn a San Martin
Les »Ëres tl Arte­ja­-nat« dla Val Badia en colabo­raziun cun le Consëi de For­ma­ziun da San Martin de Tor, inviëia dër bel a n referat cun le coach Paul Felix Ri­go, che baiará dl tema »Cola­boradus stersc – Aziëndes stersces«.
L’apuntamënt é por en mercui ai 14 de jügn dales 20:00, tl salf di stödafüch a San Martin de Tor.


La Ila: workshop sön »la vijiun dl dagní«
Tl comun de Badia vá inant le prozes de partezipaziun dla popolaziun por arjigné le Plan de Svilup Comunal. Ai 9 de jügn n workshop por döta la jënt. Por i mituns vëgnel pité intratignimënt
Incö vëndres ai 9 de jügn dales 14:00 ales 20:00 él tla Ciasa de Cultura a La Ila n workshop dediché ala »vijiun dl dagní«, che fej pert dl prozes de partezipaziun dla jënt ala realisaziun dl Plan de Svilup Comunal. Ara se trata de n workshop davert a döta la popolaziun olache vignun y vignöna é dër bel inviá da tó pert. Le laur gnará fat te na manira interativa aladô dl model »World Café«, cun plü mëses de laur olache i partezipanc y les partezipantes pó porté ite te na manira lëdia sües propostes, idees y minunghes sön de plü argomënc. Obietif dl workshop n’é nia chël da porté ite ghiranzes y interesc personai, mo da se damané tres indô: de ci á pa döta la popolaziun debojëgn? Co fajunse pa da mioré la cualité de vita de döta la popolaziun? Co fajunse pa da promöie n svilup economich adaté ai proscims diesc agn? Ara se trata de ciaré al bëgn coletif, al bëgn de düc.
Por tó pert pón s’anunzié ala mail info@blufink.com, daidan insciö la organisaziun logistica. Tó pert pón zënzater ince zënza prenotaziun.


Daurida dla Trienala Ladina
En vëndres ai 16 de jügn él tl Museum Ladin Ciastel de Tor la vernissage por la »Trienala Ladina« y le »Concurs Richard Agreiter«. Da odëi ince operes de Markus Vallazza
Le Museum Ladin á le plajëi da Ves invié ala daurida dla mostra d’ert contemporana »Trienala Ladina 2023« y »Concurs Richard Agreiter«.
Tla tor dl ciastel vëgnel spo presenté cun na secunda mo­stra operes d’ert de Markus Vallazza. Les mostres vëgn daurides cun na vernissage en vëndres ai 16 de jügn dales 18:00, tl Mu­seum Ladin Ciastel de Tor.


Mostra de Nadia Rungger a Laion
La giaurida dla mostra de poejies sarà n juebia ai 15 de juni
L’autëura Nadia Rungger prejënta si poejies tla mostra »ënghe tlo. POESIA« tla cësa de chemun de Laion–Kunst im Gang[e]. Poejia ie tlo. Y ënghe tlo. Tl slauh dal’ega, a culëures y sëuraprò n mierculdi domesdì. Nadia Rungger ti va permez tl scrì. Si poejies scumëncia dedora y danterite. Cun poejia ancon­tela la vita da uni di, abina se nstëssa te si ntëurvia y scrij te de plu direzions.
La giaurida ie n juebia, ai 15.06.23 dala 18:30. Ntroduzion y dialogh cun Nadia Rungger: Jasmin Ferdigg. Sëis de cuer nviei!
La mostra resterà davierta nchin ai 15 de setëmber. Orar de giaurida: lu–vë, 08:00 -12:00, juebia nce domesdi, 16:00 –18:30. De plu nfurma­zions sun www.nadiarungger.com.