La Usc di Ladins

Dotours
Dutor Gherdëina
L dutor de servisc da n sada ai 25.11. dala 08:00 daduman nchin la 08:00 daduman de n lunesc ai 27.11. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Tla fin dl’edema di 25 y 26 de novëmber 2023 él en sorvisc ti cin’ comuns dla Val Badia la doturia Margarete Mahlknecht, San Msrtin de Tor, tel. 0474 523018 y 349 066 7034.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 25.11. nchin n vënderdi ai 01.12. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 24 de novëmber dales 19:00 al vëndres ai 2 de dezëmber ales 19:00, é chëra da Picolin, tel. 0474 523020.

Segres y Festes
25.11.
Festa Balarins de Urtijëi y Pëufla
N ucajion di 60 ani dla Grupa Balarins Urtijëi y di 30 ani dla grupa Pëufla vëniel metù a jì na bela festa n duman, sada ai 25 de nuvëmber dala 14:00 inant, tla Cësa di Cun­gresc de Urtijëi. L sarà na ucajion per balé y scuté su de bela mujiga: dala 16:30 sunerà i OdleSound, dala 19:30 la grupa sun|sëida y dala 22:00 inant pona i Pëufla.

Avisc
Atualmënter
Ciamena dal guant Picolin
Le grup dla Ciamena dal guant lascia alsavëi che da sëgn inant pól indô gní dé jö guant de vigni sort, tres tla sënta a Picolin, ti locai dla ex Ciasa de Palsa. Al pó gní dé jö guant nët y intier, mo ince linzos, cisces, pezes da mans, guant da sot ite, tovaies, cutres, cialzá y i.i. La Ciamena dal guant sará inant daverta por dé jö, y sambëgn ince por se chirí fora guant, vigni jöbia dales 14:00 ales 16:00.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
Jí pro les »Ëres tl Artejanat« Val Badia
Les ëres artejanes o ëres colaradësses tl’aziënda de familia é bel inviades da gní a fá pert dl grup dles »Ëres tl Artejanat« Val Badia. An pó s’informé zënza impëgn pro Astrid al 347 2992358 o Manuela al 339 1104083
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Atualmenter
Mostra de Igi Pitor
Te La Gran Ciasa a Soraga se pel veder na mostra de chèdres del pitor Luigi Pe­deriva endrezèda dal Comun de Soraga en colaborazion con la galaria de èrt TanArt. L’esposizion é averta fin ai 10 de dezember dal mercol a la domenia da les 16:00 a les 20:00.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
24.11.
La Val: le Comun incunta la popolaziun
Incuntada cun l’aministraziun de comun incö vëndres, ai 24 de novëmber 2023, dales 20:00, tl salf Domëne Moling.
24.11.
Senteda generela dla Lia da Mont de Gherdëina
La Lia da Mont de Gherdeina nvieia si cumëmbri:es y simpatisanc:tes ala senteda generela, ncuei vënderdi ai 24 de nuvëmber, tla Cësa de Cultura de Sëlva, tla pitla sala Oswald von Wolkenstein dala 19:30 inant. Ntan la sëira puderàn nce cumpré i bolins dl CAI y AVS y n giaperà nce zeche de ciaut da maië y velch da pesslé.
01.12.
Luech da Nadel a Urtijëi
L marcià da Nadel tl raion da jì a pe de Urtijëi giaurirà n l vënderdi che vën ai 1. de dezëmber y sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.
01.12.
Grupa Helios cianta sun Marcià da Nadel
N ucajion dla naugurazion dl Marcià da Nadel de Urtijëi tenirà la grupa Helios n bel cunzert sun Plaza Stetteneck de Urtijëi, n vënderdi ai 1. de dezëmber dala 18:00.
03.12.
Prejentazion del liber de Ezio Anesi
L’Union di Ladins de Fascia prejenta en domenia ai 3 de dezember da les 16:00 te sala de Consei de Comun de Sèn Jan a Poza l liber ‘Ezio Anesi – Na vita per sia comunanza’ metù ensema da Lucia Gross con na meisa torona per meter al luster l valor de sia ritajon per la neva generazions.
15.12.
Open day a la Scola Ladina de Fascia
I licees de Fascia aur si ujes en vender ai 15 de dezember da les 14:30 a les 17:30. I stu­denc de terza mesèna po­darà veder da vejin spazies e propo­netes e rejonèr coi professores.

Mostres y Ert
Atualmënter
L cëntejim ann de Adolf Vallazza
La mostra »Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.
Atualmënter
Guido Balsamo Stella – l urientamënt nuef dl’ert te Gherdëina 1924-1927
L merit de Balsamo Stella coche renuvadëur dl’ert te Gherdëina vën auzà ora cun na mostra speziela dl Museum Gherdëina ntan l mëns de nuvëmber, tla Lia Mostra d’Ert, che resterà da udëi nchin ai 1. de dezëmber, dal lunesc al vënderdi, 14:00-18:00. De sada iel daviert danmesdì, 10:00-12:00, cun vijita meneda dla curadëssa Danila Serafini.
01.12.
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel. La espusizion sarà da udëi nchin ai 07.01.2024, uni di dala 10:00 nchin la 12:30 y dala 16:00 nchin la 19:00.
02.12.
Menemsha – mostra de Marianne Vitale
La Galaria Doris Ghetta nvieia a la prima mostra per­sunela tla Talia dl’artista de New York Marianne Vitale. La giaurida – ulache nce l’artista sarà prejënta – sarà ai 2 de dezëmber dala 18:00, tla Galaria Doris Ghetta a Pun­tives. Da dedò puderàn ti cialé ala mostra nchin ai 10 de fauré dl 2024, uni merdi y vënderdi dala 15:00 nchin la 18:00.

Temp Lede
Atualmënter
Café dla rujenedes per nglëisc, franzëus y spanuel
Ntan l Café dla rujenedes tla biblioteca de San Durich a Urtijëi uniràl rujenà franzëus uni merdi dl mëns, for dala 09:30. Per nglëisc saràl ntantsce uni mierculdi dl mëns, for dala 09:30 y per spanuel uni juebia de chësc mëns, for dala 09:30. Na cunescënza de basa dla rujeneda ie bënududa.
Atualmënter
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber »Racconti Romani« de Jhumpa Lahiri. La ancuntedes va inant uni lunesc, for dala 18:00.

Publizistica
29.11.
Prejentazion dl liber »Sofia, i sëmies soc«
L liber de Hilde Insam unirà prejentà per ladin ai 29 de nuvëmber dala 15:00 tla biblioteca de Sëlva. Danterite cianterà l Cor di Mutons de Sëlva. Duc y dutes ie nviei:des de cuer.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.11.
Deboriada: sfumadures de sustenibeltà
Dales 20:50 ca. La parola »sustenibltà« a ti dantaldut ti ultimi ani ulù fé da rëm a na tendënza che à sburdlà nosc mond globalisà a unì man man sotmetù al asvelt y al superfiziel. Ma l ie mo jëuni che ti tën permez a chësta realtà, pitan auternatives y se lascian tumé ite pitla gran ideies per ne sëuraciarië nia massa nosc planet.
29.11.
45 egn Fascia Balon
Dales 20:50 ca. N viac te la storia di prumes 45 egn del Fassa balon tres la oujes e i recorc di protagonisc che auza fora ence i bogn ejic de la squadra che é stat la pruma squadra ladina a ruèr en promozion tel 1995 e à vent 4 copes Provinzia. A cura de Anna Mazzel.
30.11.
EURO
Dales 20:50 ca. Trasmisciun de Diego Clara y Hartmann Mairhofer, a cura de Leo Senoner.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
24.11.
KYRIOS: 50 agn sot la medema stëra
Dales 19:05. N bel anuel, l iubileum di 50 ani, à pudù festejé la grupa »Kyrios«, cunesciuda dantaldut per la mujiga ritmica religëusa ma nce per truep d’autri proiec, che i à metù a jì. Adalbert Piccolruaz ie stat per ani alalongia dirighënt y presidënt de chësta lia y ie nscila un di »pilastri« mpurtanc tla storia de mez secul. Ël nes conta de coche l fova unì metù su l grup musichel y che tl prim ne fovel pa nët nia saurì a la mëter a jì. Trasmiscion de Georg Mussner.
25.11.
Momënc de vita: intervista a Tone Ploner
Dales 19:05. Tone Ploner dal Flô da La Pli de Mareo é nasciü y chersciü sö tla vila da Rara, olache al vir ciamó al dedaincö. Da möt ál tres daidé sön le lüch da paur de süa familia y d’isté jôl te munt a vardé. Tone Ploner nes cunta de canche al fajô le famëi sön la munt de Fojedöra, dla scora elementara y dla vita tla vila da Rara. N pro­gram de Erika Castlunger.
26.11.
Tl Canada a ziplé
Dales 19:05. Bera Franz Moroder de Costa fova unì nvià ti ani ’60 a jì via tl Canada a ziplé. N iede fovel julà via dassëul y n valgun ani do ovel tëut via pea si familia. Ël conta sambën de si lëur ma nce de coche l ova mparà a rujené franzëus, che l ova fat cune­scënzes nteressantes y che la jënt s’l stimova dassënn. Bera Franzl fova pona do n valguni inò ruvà de reviers te Gher­dëina, ma l Canada ovel stlut ite te si cuer. Trasmiscion de Simon Moroder.
27.11.
Cor Raetia y si 60 ani
Dales 19:05. N’atività longia 60 ani, da ch’l 18 de mei dl 1963 canche 32 ciantarins se ova metù adum per ciantè deberieda, te dlieja, pra festes y ntraunides mujigheles desfe­rëntes. Mujiga sacra y profana, mujiga tlasica, pec populeres, l curriculum dl cor Raetia ie lonch y mpurtant, avisa sciche si storia de sies dejeneis. Ti dajon na udleda al prejënt y al passà de un di cores virii plu cunesciui dla valeda. Program de Leo Senoner.
28.11.
Zachei Zaolà: Marcus Depaul (2)
Dales 19:05. L stat de Taiwan l è de spes al zenter de costions geopolitiches per sia tenjions co la Cina e ence per situazions leèdes a sia forta economia. Cerion de fèr lum su chest aspet important con Marcus Depaul, che aldò de sia espe­rienza de vita e lurier aló l ne deida a deschiarir vélch de piú ence su la storia de chesta isola de l’Asia orientèla. Program de Cinzia Pistoia.
29.11.
Persones e curiositèdes: Ilda Pizzinini
Dales 19:05. Ilda Pizzinini »la gran mère de duc i ladins« é stata protagonista de tropa revendicazions di ladins con gran lurier de dialogh e media­zion anter cultura e politica. A cef de l Union Generela di Ladins dla Dolomites per passa 17 egn la se à scialdi batù per l recognosciment di ladins a duc i livìe con na vijion al ben de duc i ladins despartì te doi regions e trei provinzies. Program de Anna Mazzel e Anelise Vian.
30.11.
La maladoranza de sostanzes
Dales 19:05. Le psicologh y psicoterapeut Edmund Seno­ner nes dij te chësc secundo program dediché al abus de sostanzes o media, co che na dependënza se fej lerch y sciöche ara po gní afrontada. N program de Sara Frenner.

Teater
25/26.11.
Paroles e musega per la femenes
En ocajion de la Giornèda Internazionèla contra la vio­lenza su la femenes vegn portà dant doi spetacoi de paroles e musega, su idea e regia de Michela Marangoni dal titol »Copèdes te l’ènema«. En sabeda ai 25 de november da les 21:00 te chino Marmo­lèda de Cianacei e en domenia ai 26 da les 16:00 te Pala­Dolo­mites de Ciampestrin.
01.12.
A teater a Tieser
En vender al prum de dezem­ber per la rassegn »Il piacere del teatro« da les 20:45 te teater de Tieser la compagnia de Lizzana ‘Paolo Manfrini’ porta dant la comedia dal titol »Le allegre mogli«.
Atualmënter
Teater a Santa Cristina
Tla Sala de Chemun de S.Cristina, vëniel purtà dant n pez de teater da rì: »Ce sotsëura« („Alle außer mir“) de Stefan Vögel, sot ala regia de Annemarie Schenk. La proscima raprejentazions sarà n dumënia ai 26.11. dala 17:00, n merdi ai 28.11. dala 20:30, n juebia ai 30.11. dala 20:30, n sada ai 02.12. dala 20:30 y n lunesc ai 04.12. dala 20:30 – for te Sala de Chemun a Santa Cristina. Chertes danora: Paola Stuffer, 339 3399266.
12.12.
Sajon teatrèla
L é tacà ite la sajon teatrèla de Fiem. Do l bel spetacol su Tita Piaz i apuntamenc va inant en mèrtesc ai 12 de dezember da les 20:45 semper te teater de Tieser con la compagnia ariaTeatro Evoè che met dant »Tre sull’altalena« con la regia de Alberto Giusta.

Sozial
Atualmënter
Picolin: portina por assistënza y cura
La Portina por l’assistënza y cura é daverta dui iadi al’ede­ma: le lönesc dales 14:00 ales 16:00, la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les domandes por ci che reverda le guern dles porsones.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
La Ila: Ciamena dal guant
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (residënc:tes a Urtijëi).
01.12
»Deberieda«: domesdì de bai
N vënderdi ai 1.12. se ancónten dan la Cësa de Paussa de Urtijëi dala 14:00, per sté mpue deberieda y balé de biei bai. »Deberieda« ie na grupa cun ulenteres per se ancunté danter persones che à problems psichics o de sozialisazion.

Sport
24.11. y 25.11.
Tennis: finela ora Runcadic
L ITF dl’ëiles ora Runcadic, cun ntreda debant, ie ruvà ala fases fineles: ncuei vënderdi dala 11:00 iel la semifineles dl singul y la finela dl dopl. La gran finela dl singul sarà duman sada ai 25 de nuvëmber dala 11:00.
25.11.
HC Gherdëina vs. Steel Wings Linz
L juech de Alps Hockey League contra i Steel Wings Linz unirà a s’l dé n sada ai 25 de nuvëmber dala 19:30 tl stadio Pranives te Sëlva.
26.11.
Turnoi de Tennis ITF Women Val Gardena te Sëlva
L turnoi ITF dl’ëiles mët man doduman dumënia ai 26 de nuvëmber tl zënter dal tennis te Sëlva y jirà inant nchin sada ai 2 de dezëmber. Atletes prufesciunistes de livel nterna­ziunel aut jugherà per n montdepesć da 25.000$.
30.11.
HC Gherdëina vs. HC Maran Pircher
L juech de Alps Hockey League contra l HC Maran Pircher unirà a s’l dé n juebia ai 30 de nuvëmber dala 20:30 tl stadio Pranives te Sëlva.
02.12.
FIS Challenge Val Gardena
La garejedes de schi FIS de libra y super-G, sibe di ëi che nce dl’ëiles, sarà dai 2 nchin ai 7 de dezëmber sun Piz Sela, for dala 09:00 nchin la 12:00.
02.12.
HC Gherdëina C vs. AHC Vinschgau
La scuadra dl HC Gherdëina C jugherà contra l AHC Vinschgau ai 2 de dezëmber dala 19:30 tl stadio Pranives te Sëlva.

Mujiga
Atualmënter
Müjiga di Jogn Val Badia »winter edition«
La Müjiga di Jogn dla Val Badia é por le pröm iade ince d’invern. Al pó tó pert jones y jogn da döta la valada, che á almanco le diplom de brom y na eté cina 20 agn. Les proes vëgn tignides de jená 2024, tl local dles proes a Badia. Conzert final ai 04.02. a La Ila. Iscriziuns cina ai 24.01.24 al link https://form.jotform.com/232991806347364
25.11.
Musical per Federico
Doman, sabeda ai 25 de november da les 21:00 te teater de Tieser la compagnia Des Etoiles porta dant n spetacol de benefizenza per didèr l picol Federico. Se pel comprèr l biliet su www.liveticket.it/cimenatesero opura a la cassa del teater, tel. 0462 815040.
02.12.
Conzert per Re Laurin a Moena
En sabeda ai 2 de dezember da les 21:00 te teater Navalge a Moena conzert per oujes e strumenc con l Coro Nosc de Soraga vidà da Peter Decrestina e la Musega de Moena vidèda da Roberto Silvagni. Duc é enviè, l’entrèda é debant.
02.12.
»Vintage Winter Party«
En sabeda ai 2 de dezember da les 21:00 te senta de La Grenz, te strada Saslonch 56 a Moena, »Vintage Winter Party« DJ Set ‘90s.
03.12.
Cunzert de S. Zezilia dla Mujiga da Bula
La Mujiga da Bula nvieia a si cunzert de Santa Zezilia, n dumënia ai 3 de dezëmber dala 17:00 tla Cësa dla Lies sa Bula. Duc:tes ie nviei:des de cuer a unì a scuté su.

Chino
Atualmenter
Al chino de Tieser
Insnet, vender ai 24 de no­vember da les 20:45 e domenia ai 26 da les 20:30 vegn moscià »Napoleon«. En domenia ai 26 da les 17:30 enveze l é »C’è ancora domani« e en jebia ai 30 da les 21:15 per ‘il piacere del cinema’ se pel veder »Comandante«.