La Usc di Ladins

Sport
Atualmënter
Turnoi de Tennis ITF Women Val Gardena te Sëlva
L turnoi ITF dl’ëiles tl zënter dal tennis te Sëlva, jirà inant nchin sada ai 2 de dezëmber.
02.12.
FIS Challenge Val Gardena
La garejedes de schi FIS de libra y super-G, sibe di ëi che nce dl’ëiles, sarà dai 2 nchin ai 7 de dezëmber sun Piz Sela, for dala 09:00 nchin la 12:00.
02.12.
HC Gherdëina C vs. AHC Vinschgau
La scuadra dl HC Gherdëina C jugherà contra l AHC Vinschgau ai 2.12. dala 19:30 tl stadio Pranives te Sëlva.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Atualmenter
Marcià da Nadèl a Moena
Fin ai 6 de jené duc i fins de setemèna e sot la festes ogne dì da les 15:00 vegn avert la ciasetes del marcià da Nadèl te Piaz Ramon, Piaz de Sote­grava e piaz Perla Alpina olache se pel magnèr zeche da bon, scutèr musega e aprijièr i prodoc del post.
Atualmenter
Marcià da Nadèl a Soraga
Dai 7 ai 10, dai 15 ai 17 e dai 22 de dezember ai 7 de jené da les 15:00 a les 19:00 te Pra del Preve a Soraga averc la ciasetes de legn del marcià da Nadèl con fornimenc particolères e l fech te mez pra olache se pel cercèr zeche da bon e proveder vèlch da bel per i dons da Nadèl.
Atualmenter
Marcià de Nadèl a Vich
Dai 7 ai 9, dai 15 ai 16 e dai 23 de dezember ai 6 de jené da les 15.30 a les 18.30 e ai 10 de dezember da les 10.00 a les 12.00 te piaz de Vich e te Ciasa Marmolada vegn endrezà l picol marcià »Picol, bon e bel« con n muie de idees per fèr i dons da Nadèl. Ai 8 de dezember da les 16:30 l é la musega de »Elena e Alessandro Acoustic Duo«.
Atualmenter
Mostra de Igi Pitor
Te La Gran Ciasa a Soraga se pel veder na mostra de chèdres del pitor Luigi Pede­riva endrezèda dal Comun de Soraga en colaborazion con la galaria de èrt TanArt. L’esposizion é averta fin ai 10 de dezember dal mercol a la domenia da les 16:00 a les 20:00.
02.12
Consaputa tel jir sa mont
L Socors da mont Zenter Fascia con l’A.S.D. Bela Ladinia met a jir en sabeda ai 2 de dezember da les 20:30 te caserma de protezion zivila de Vac na scontrèda su la consaputa tel jir sa mont: la pianificazion de la raida, la valutazion do e do, l coraje de renunzièr. Rejona l mena­crep, istrutor nazionèl e soco­ridor Maurizio Lutzen­berger.
01.12.
Luech da Nadel a Urtijëi
L marcià da Nadel tl raion da jì a pe de Urtijëi giaurirà ncuei vënderdi ai 1. de dezëm­ber y sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.
01.12.
Grupa Helios cianta sun Marcià da Nadel
N ucajion dla naugurazion dl Marcià da Nadel de Urtijëi tenirà la grupa Helios n bel cunzert sun Plaza Stetteneck de Urtijëi, ncuei vënderdi ai 1. de dezëmber dala 18:00.
07.12.
Mountain Christmas: Marcià da Nadel te Sëlva
L Marcià da Nadel te Sëlva giaurirà ai 7 de dezëmber dala 15:00 inant y jirà inant nchin ai 6 de jené: dai 7.12. nchin ai 10.12. y dai 15.12. nchin ai 17.12. Dai 22 de dezëmber nchin ai 6 de jené saràl daviert uni di, for dala 15:00-19:00.
10.12.
Generela di Destudafuech de Sëlva
La senteda generela di Destu­da­fuech de Sëlva sarà ai 10 de dezëmber dala 18:30 tla Sala di Destudafuech te Sëlva.
3.12/06.01.
Cripeles sui festii a Vich
Dai 3 de dezember fin ai 6 de jené fora per l paisc de Vich se pel veder 25 prejepies sui festii fac da privac, zipia­dores e sociazions de paisc.
03.12.
Prejentazion del liber de Ezio Anesi
L’Union di Ladins de Fascia prejenta en domenia ai 3 de dezember da les 16:00 te sala de Consei de Comun de Sèn Jan a Poza l liber ‘Ezio Anesi – Na vita per sia comunanza’ metù ensema da Lucia Gross con na meisa torona per meter al luster l valor de sia ritajon per la neva generazions.
7-10.12.
Marcià di Mille Centrini a Vich
L Grop Mille Centrini de Vich endreza n picol marcià de Nadèl per solidarietà. Te Ciasa Marmolada vegn metù fora i lurieres fac a man che pel esser n bel don. Dai 7 ai 9 de dezember da les 15:30 a les 18:30 e ai 10 de dezember da les 10:00 a les 12:00.
08.12.
Ciampedel: Marcià da Nadèl
En vender ai 8 de dezember da les 15:00 vegn inaugurà l marcià da Nadèl te Piaz Veie de Ciampedel che resta averta fin ai 10 de dezember e dapò dai 22 ai 6 de jené da les 15:00 a les 19:00.
15.12.
Open day a la Scola Ladina de Fascia
I licees de Fascia aur si ujes en vender ai 15 de dezember da les 14:30 a les 17:30. I studenc de terza mesèna podarà veder da vejin spazies e proponetes e rejonèr coi professores.
06.12.
Sègra de Sèn Nicolò a Poza
En mercol ai 6 de dezember l é Sèn Nicolò, sègra a Poza. Da mesa les 11 se bina la jent lo da la gejiola sa Meida per vegnir ju en defilèda, messa te gejia grana da les 11:00, marena te tendon, domesdì jeghes per i bec con Sèn Nicolò e da les 18:00 conzert con la Musega da Poza.

Cursc
16.12.
Curs de paslunch por scolars dla elementara y mesana a San Ciascian
Le curs metü a jí dala Scora de schi da paslunch Alta Badia gnará tigní por 10 iadi, vigni vëndres dales 14:00 ales 16:00, le pröm de de curs cun la formaziun di grups sará en sabeda, ai 16 de dezëmber 2023, dales 14:00. Infos al 339 8068111 o tres e-mail a info@scuolafondo.it

Teater
12.12.
Sajon teatrèla
L é tacà ite la sajon teatrèla de Fiem. Do l bel spetacol su Tita Piaz i apuntamenc va inant en mèrtesc ai 12 de dezember da les 20:45 semper te teater de Tieser con la compagnia ariaTeatro Evoè che met dant »Tre sull’altalena« con la regia de Alberto Giusta.
01.12.
A teater a Tieser
En vender al prum de dezem­ber per la rassegna »Il piacere del teatro« da les 20:45 te teater de Tieser la compagnia de Lizzana ‘Paolo Manfrini’ porta dant la comedia dal titol »Le allegre mogli«.

Temp Lede
Uni lunesc
La Coa: ancuntedes per genitores
Uni lunesc, 09:30-11:00,tl local Matada a Urtijëi, per sté deberieda danter mutons:ans, mamis, tatis y chi che deventerà tosc genitor.
01.12.
Stories de 15 menuc
La biblioteca de San Durich nvieia a unì a scuté su la storia de 15 menuc, che unirà n chëst iede cunteda da Adele, ncuei vënderdi ai 1. de dezëmber dala 15:00.
05.12.
San Miculau te Gherdëina
San Miculau passerà tres i luesc de Gherdëina ai 5 de dezëmber: dala 16:00 a S. Cristina sun plaza de Chemun, dala 16:30 sun plaza de dlieja te Sëlva y dela 17:00 tl raion da jì a pe de Urtijëi.

Mostres y Ert
Atualmënter
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel. La espusizion sarà da udëi da ncuei, vënderdi 01.12. nchin ai 07.01.2024, uni di dala 10:00 nchin la 12:30 y dala 16:00 nchin la 19:00.
01.12.
Finissaja dla mostra Balsamo–Stella
La mostra speziela dl Museum Gherdëina, »Guido Balsamo Stella–l urientamënt nuef dl’ert te Gherdëina 1924-1927«, metuda ora tla Lia Mostra d’Ert de Urtijëi finerà via cun na finissaja ncuei, 1. de dezëmber dala 17:00, cun la curadëssa Danila Serafini.
02.12.
Menemsha – mostra de Marianne Vitale
La Galaria Doris Ghetta nvieia a la prima mostra persu­nela tla Talia dl’artista de New York Marianne Vitale. La giaurida – ulache nce l’artista sarà prejënta – sarà ai 2 de dezëmber dala 18:00, tla Galaria Doris Ghetta a Punti­ves. Da dedò puderàn ti cialé ala mostra nchin ai 10 de fauré dl 2024, uni merdi y vënderdi, 15:00 - 18:00.

Mujiga
Atualmënter
Müjiga di jogn Val Badia – Winter edition
La Müjiga di jogn dla Val Badia é por le pröm iade ince d’invern. Al pó tó pert jones y jogn da döta la valada, che á almanco le diplom de brom y na eté cina 20 agn. Les proes vëgn tignides de jená 2024, tl local dles proes a Badia. Conzert final ai 04.02. a La Ila. Iscriziuns cina ai 24.01.24 al link https://form.jotform.com/232991806347364
02.12.
»Vintage Winter Party«
Ai 2 de dezember da les 21:00 te senta de La Grenz, te strada Saslonch 56 a Moena, »Vintage Winter Party« DJ Set ‘90s.
02.12.
Conzert per Re Laurin a Moena
Ai 2 de dezember da les 21:00 te teater Navalge a Moena conzert per oujes e strumenc con l Coro Nosc de Soraga vidà da Peter Decrestina e la Musega de Moena vidèda da Roberto Silvagni. Duc é enviè, l’entrèda é debant.
03.12.
Cunzert de Avënt dla grupa »Kraxn Weisenbläser«
La grupa »Kraxn Weisen­bläser« sunerà de bela meludies da Nadel, n dumënia ai 3 de dezëmber dala 11:00, dan la dlieja de Sant Antone.
03.12.
Cunzert de S. Zezilia dla Mujiga da Bula
La Mujiga da Bula nvieia a si cunzert de Santa Zezilia, n dumënia ai 3 de dezëmber dala 17:00 tla Cësa dla Lies sa Bula.
07.12.
Mountain Christmas: Mattia Demetz sona l’armonica
N ucajion dla giaurida dl Marcià da Nadel te Sëlva sunerà Mattia Demetz de bela meludies sun si armonica n juebia ai 7 de dezëmber dala 17:00 inant.
07.12.
»Tlecanoht«
Tl zënter de Urtijëi cianterà l Cor de Dlieja de Urtijëi la »Tlecanoht«, n juebia ai 7 de dezëmber dala 18:00.
08.12.
Mountain Christmas: l sona l »Trio Ladinia«
La grupa de corni da mont »Trio Ladinia« sunerà sun l Marcià da Nadel de Sëlva n ai 8 de dezëmber dala 17:00.
08.12.
Cunzert d’Avënt dl Cor di ëi Raetia
L Cor di ëi Raetia deberieda cun l Cor di ëi de Gries/Bul­san, fajerà n cunzert d’Avënt n vënderdi ai 8 de dezëmber dala 17:00 tla dlieja de Urtijëi.
08.12.
Cunzert de Avënt dla pianista Eva Vinatzer
La pianista Eva Vinatzer sunerà n cunzert de Avënt ai 8 de dezëmber dala 17:00 tla dlieja de S. Antone de Urtijëi.
09.12.
Cunzert de Avënt dla grupa Kraxn Weisenbläser
La grupa Kraxn Weisenbläser sunerà sun Plaza Nives te Sëlva, ai 9.12. dala 17:00.

Chino
Atualmenter
Al chino de Tieser
Ai 2 de dezember da les 20:45 vegn moscià »Napoleon« e da les 16:30 »Hunger Games« che l é en program ence en domenia ai 3 da les 20:30 e en jebia ai 7 da les 20:45. En vender ai 8 da les 17:00 e tel fin de setemèna che vegn se podarà veder l film de anima­zion »Prendi il volo«.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
05.12.
N calënder d’Advënt sënza ciuchelada, mo cun saú de amur
Dales 14:45. 24 stories de löm acompagnëia pici y gragn de vers dl Nadé. Program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
01.12.
Cie fej pa ora la cualità de vita te Gherdëina?
Dales 19:05. L turism ie debe­rieda al artejanat artistich la gran seva de nosta valeda. Cun Cristina Brunello, che lëura propi tl ciamp dl turism ons ulù analisé n valguna ristles che se à ti ultimi ani ficià te nosta valeda, la alienan unitant da ti pité ai seniëures la pert plu senziera de nosta bela cuntreda. Cie se aspieta pa i turisc’ che vën te Gher­dëina? Can iel pa de massa? Jons’a de viers dla dimenscion de l se vënder (ora)? Na cia­culeda riflessiva per stravardé chël che nes sta a cuer y per garantì n turism sarëin y de respet. (1a pert). Trasmiscion de Ivan Senoner.
02.12.
La regiun dl Corn de Africa
Dales 19:05. Le Corn de Africa é n raiun caraterisé da conflic violënc y malsegurëza alimentara, implü é le Paisc arbandoné a se instës a gauja dl’indiferënza internazionala. Ti ultims agn él tl raiun na gran süta, che á sforzé miliuns de porsones da s’un jí. Al se trata de n post geostrategich, deache al é l’entrada söl Mer Cöce, olache al passa les gran barches de marcianzia y de petröre. Program de Iris Del Valle.
06.12.
La fegura de Ezio Anesi
Dales 19:05. ‘Ezio Anesi – Na vita per sia comunanza’ tel cedean di trenta egn da sia mort é vegnù scrit n liber e endrezà na mesa torona con chela de uzèr fora la fegura de Anesi, sia vita de empegn per la comunanza, la perca­cenza de sia azion politica e l valor de sia ritajon per i joegn. Ezio Anesi tel 1983 l é stat l prum conseier ladin lità tel Consei Provinzièl de Trent e del 1993 l prum ladin a aer l enceria de senador de la Republica. Program de Anna Mazzel.
07.12.
Franzensfeste ne è nia ma na staziun dla ferata
Dales 19:05. Emanuel Valen­tin, le diretur di museums Fortëza de Franzensfeste y Eccel Kreuzer, nes presënta les strotöres museales y ciara zoruch a so pröm ann da diretur. N program de Sara Frenner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
05.12.
700 Agn dlijia vedla da La Val
Dales 20:50 ca. Program de Esther Videsott y Agostino Fuscaldo, a cura de Leo Senoner.
06.12.
Tassìe: sgolar con sie ales, emparar a sonar da soi
Dales 20:50 ca. Con Tassie ve porton a cognoser doi joegn ladins che de gra a gaissa e pascion i é stac bogn de se far strada tel mond de la musega da soi. En viac anter sperimentazion de sorts muse­gales desvalives ma ence conzerc e na dedizion che no la é da duc! Program de Matilde Gazzini, a cura de Anna Mazzel.
07.12.
S-link, n saut tel mond digitèl: Turism 4.0
Dales 20:50 ca. L setor turistich te noscia valèdes l’à na gran lèrga, tant da tor ìte semper più inovazions. Rua donca ence da nos l turism 4 pont 0; n turism semper più »smart« che l se empreval di progresc tecnologics per portèr inant de neva prospetives per l davegnir. Program de Cinzia Pistoia, a cura de Anna Mazzel.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda guern y assistënza.
Atualmënter
Sostigní families cun pici mituns
Le KFS (Katholischer Fami­lien­­verband Südtirol) chir volontars por daidé y sostigní families cun mituns da 0 a 3 agn, te situaziuns da vigni de. Sce t’es na porsona da­verta, bun organisada y bona da gestí situaziuns nia sau­rides, spo lascete adintëne pro le KFS al 0471/974778. Infos plü menüdes: www.bezirksgemeinschaftpustertal.it/de/Sozialdienste/Soziale_Leistungen/Fruehe_Hilfen
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30 (proscimi termins 07. y 22.12.). Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
02.12.
Marcé da Nadé
I assistis y les assistëntes dl Zënter sozial »La Spona« a Pidrô inviëia al Marcé da Nadé en sabeda, ai 2 de dezëmber, dales 10:00 ales 17:00, cun patüc realisé te ciasa. L’Uniun di Ladins Val Badia venará libri, presen­tará sües publicaziuns nöies y domisdé dales 14:00 inant gnarál pité letöres de stories por pici.

Dotours
Dutor Gherdëina
L dutor de servisc da n sada ai 02.12. dala 08:00 daduman nchin la 08:00 daduman de n lunesc ai 04.12. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 2 y 3 de dezëmber él en sorvisc ti comuns de Mareo y San Mar­tin le dotur Eduard Agreiter, San Martin de Tor, tel. 0474 523315 o 333 1380852. Ti comuns da La Val, Badia y Corvara él en sorvisc la doturia Lodovica Mattioni, La Ila, tel. 328 8590842.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 02.12 nchin n juebia ai 07.12. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres al 1. de dezëmber dales 19:00 al vëndres ai 8 de dezëmber ales 19:00, é chëra d’Al Plan, tel. 0474 501240.

Avisc
02.12.
Scincundes da Nadel, ciuldì pa nia de segonda man?
La Lia Gaia nvieia al marcià de scincundes da Nadel segonda man, ai 2.12 dala 15:00 inant tla Sala Raiffeisen dla Cësa de Chemun.
01.12.
L’ega da bever per Urtijëi
L Istitut Ladin Micurà de Rü nvieia ala prejentazion dl liber »L’ega da bever per Urtijëi« de Ludwig Moroder, ncuei 1.12. dala 18:00 tla sala dl Cunsëi de Chemun de Urtijëi.
07.12. - 10.12
Marcià da Nadel tla »Locia«
La berstot prutejeda »Locia« de Urtijëi nvieia a si marcià da Nadel tl salf dl Circolo - Lia Mostra d’Ert, n juebia ai 7.12. dala 15:30-19:00. L marcià jirà inant nce ai 8, 9 y 10.12., dala 10:00-12:30 y dala 16:00-19:00.
08.12.
Prejentazion dla scuadres dl Schi Club Gherdëina
La prejentazion dla scuadres de duta la disciplines, di/dla trainadëures y dl cudejel dl ann nuef 2022-23, sarà n vënderdi ai 8.12.dala 18:00 sun l purtoi Palmer a Urtijëi.