La Usc di Ladins

Lunesc de Carnescià te Tublà
»Ciculata, ëi y d’autra melntendudes«: n lunesc ai 12 de fauré dala 20:30
Coche l ie bele da ani tradizion vëniel n Lunesc de Carnescià pità velch de passenënt te Tublà da Nives te Sëlva. Cianties, sketch y matades: dessegur da rì per uniun y sambën dut dal vif. N ël, n’ëila y n’afa dal muet uel se devertì da Carnescià y ruva al infal te »Alta Gardena«. Mé bon che Oswald à pea si armonica. Sun palch saràl da udëi Marieke Volgger coche Donna Gloriette, Carlo Emanuele Esposito coche l bel ciantarin jëun y Michael Golser che sona. Unide perchël duc y dutes – sambën mascherei – n lunesc ai 12 de fauré 2024 da mesa la nuef te Tublà da Nives te Sëlva. La ntreda costa 10€ (cun buanda). Ve aspiton!

Carnival on ice
L Club de jadiné sun dlacia, deberieda cun la Lia dl Turism de Sëlva, nvieia a na sëira de spetacul sun dlacia, n dumënia ai 11 de fauré dala 21:00 tl stadio Pranives te Sëlva
Carnescià sun dlacia ie l titul dla manifestazion, n spetacul de jadiné artistich ulache n puderà amiré coreografies dla campiunëssa mundiela Carolina Kostner ma nia mé: nce atlec y atletes de livel mundiel coche Manuel Piazza y Anna Valesi, Gabriele Frangipani y sambën nce i:la atlec:tes dl Eisclub Gardena sarà da udëi ntan chësta bela sëira cun n program spetaculer. Duc i apasciunei y la apasciunedes ie nviei de cuer. La chertes danora ie da giapé te Sëlva tl ufize dla Lia dl Turism y a Urtijëi tla butëiga Nero Fluido.

Defilada da Carlascé a Al Plan
Döta la jënt é bel inviada da gní ala defilada por la festa plü matorina dl ann – a fá para o ciaré pro. An s’incunta en mertesc ai 13 de forá a Al Plan
En mertesc ai 13 de forá vëgnel indô fat le Carlascé d’Al Plan. La Cooperativa Turistica Al Plan/San Martin inviëia döta la jënt da gní alerch y sambëgn ince da fá para pro la gran defilada, che pëia ia dales 14:00 tla plaza dan la Cooperativa Turistica (ex nodadoia curida) y che rovará fina pro paiun de paisc. Iló gnarál spo premié les mascores. Les iscriziuns vëgn tutes sö en chël de dales 13:15 inant, dan l’ofize turistich.
»Multisport All Day« isté 2024
Alta Badia: 4 edemes de ativités por mitans y mituns dla elementara
Les sozietés sportives dl’Alta Badia mët a jí chësc isté les ativités »Multisport All Day«, por mitans y mituns dla scora elemen­tara. Ares gnará metüdes a jí cater edemes alalungia, de messé y agost, dagnora dales 9:00 ales 15:00, cun la marëna. Les iscriziuns vëgn daurides ai 4 de merz dales 8:00 sot al link https://forms.gle/7o yGdq6Eg6DudAFz7
Informaziuns plü menüdes ciafon sön le flyer sot al sit skiteamaltabadia.it o zënza menan na e–mail a info@skiteamaltabadia.it

Cursc da nodé a La Ila
En vëndres ai 23 de forá mët man i cursc por mitans y mituns dla scolina y dla elementara
La Uniun Sport La Ila mët a jí cursc da nodé cun i maestri Davide Moling y Heinrich Conrater, tla nodadoia comunala a La Ila. Ai mët man en vëndres ai 23 de forá y prevëiga indöt 6 incuntades. Le prisc é de 75,00€ a möt (tl prisc él ince l’entrada ala nodadoia). Le program prevëiga:

• dales 14:00 ales 14:45 mituns dla scolina prinzipianc (resservé ai agn 2018 y 2019);
• dales 14:45 ales 15:30 mituns dla scolina progredis
  • 
  •  

  View the embedded image gallery online at:
  https://www.lausc.it/manifestazions-y-evenc/26386-manifestazions-atuales-speziales#sigProId6131577f65
  (agn 2018 y 2019);
• dales 15:30 ales 16:15 mituns dla elementara (düc i liví)

Les iscriziuns é davertes, online sön le sit internet www.uslaila.it An pó se scrí ite cina ai 21 de forá. Por informaziuns o aiüt tles iscriziuns, scrí a fitness@uslaila.it

Alpaca y ert
La grupa Gherdëina per l Perù mët a jì na mostra de sbetri dl Perù per n fin de bën. La giaurida ie n dumenia, ai 11 de fauré dala 18:00 tla Lia Mostra d’Ert a Urtijëi. L cianta y sona la grupa Vidalonch
Truepa ëiles y jëunes dl Perù se stënta a tré l viver y ne à nia assé da maië per si families. N valgunes de ëiles possa lauré tla berstots dla Operazion Mato Grosso, ulache les fej sbetri de alpaca y d’autra roba fata a man. Tres chësc lëur pòsseles se tré ite n pitl davani per se cumpré chël de cieche les à l plu debujën. N valguni di lëures che les à fat ie da udëi dai 12 ai 26 de fauré tl Circolo Lia Mostra d’Ert. Cumpran n prudot de lana fat a man, cun gran amor y dedizion, pòssen sustenì chësta ëiles y jëuni.
La mostra resta davierta nchin ai 26 de fauré uni di 09:30-12:00, 15:00-19:00, vënderdi y sada nce dala 20:00 ala 22:00.