La Usc di Ladins

Dotours
Doturs Val Badia
Tla fin dl’edema di 22 y 23 de jügn él en sorvisc tla Val Badia la doturia Margherita Righini, tel. 348 6351943.
Dutor Gherdëina
L dutor de servisc da n sada ai 22.06. dala 08:00 daduman nchin la 08:00 daduman de n lunesc ai 24.06. ie l dutor Simon Kostner de Sëlva, stre­da Nives 2, tel. 347 2297492.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 21 de jügn dales 19:00 al vëndres ai 28 de jügn ales 19:00, é chëra da Corvara, tel. 0471 830237.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 21.06. nchin n vënderdi ai 28.06. ie chëla de Urtijëi, tel. 0471/796125 (orar de giaurida lu-ve 9.00-12.00/15.00-19.00. Turnus (n possas arjonjer tres tele­fonn): 00:00–23:59.

Sport
Atualmenter
Soraga League
Va inant fin ai 21 de jugn l tornoi de balon Soraga Lea­gue, ogne sera, fora che de mèr­­tesc vegn jià fora trei partides con la partezipazion de 10 squadres, se taca ite da les 20.00. Per l calandèr de la partides vardèr la piates social.
22.06.
»Dolomites Bike Day«
La sabeda ai 22 de jügn vëgnel tigní le Dolomites Bike Day, n evënt ziclistich debann y nia competitif sön n percurs de 51 km fora pur i jus de Ciau­lunch, Falzares y Valpa­rola. Les strades aner La Ila – Corvara – Reba – Falzares – San Ciascian gnará stlütes al trafich dales 08:30 ales 14:30.
29.06.
La »Lavaredo Ultra Trail«
I partezipanc dla Lavaredo Ultra Trail 80k piará ia en chësc ann da La Val, plö avisa la saebeda ai 29 de jügn dales 7:00 da doman. Le percurs é bëgn 80 km lunch cun tra­vert a Cortina d’Ampëz ola­che al röia ince i atri percursc.
30.06.
Traverseda dla Mont de Fanes
N dumënia ai 30.06. mët la Lia da Mont Gherdëina a jì na traverseda dala Capanna Alpina nchin a Pederù sëura la Mont de Fanes. L ie na jita mesanmënter ria, che durerà zirca cin’ëura, cun n deslivel de 600 metri y da jì suvier saràl 750 metri. N pierà via dala 7 da duman da Urtijëi demez. N possa se lascé nuté su da lunesc ai 24 de juni nchin a n juebia ai 27 de juni da Ivan sot al numer 348 7803397. Per de plu nfurma­zions pòssen nce cherdé su Tullio (335 6583216) o Mo­nica (339 6563015).

Avisc
Atualmenter
L

• 
•  

View the embedded image gallery online at:
https://www.lausc.it/manifestazions-y-evenc/27373-manifestazions-atuales#sigProIddc6d11a32c

Istitut Cultural Ladin de Fascia chier personal
L Museo Ladin de Fascia tol su personèl, tras na Coprativa Sozièla, per l Servije de sora­vèrda de la sezions sul teritorie (dal 1 de messèl ai 10 de se­tember). Per maora informa­zions se prea de chia­mèr ite chest numer: 0462.760182 (Mara e/o Daniela) o manèr na mail: museo@istladin.net.
Atualmënter
Scola de Criatività – iscrizions per l ann nuef
La lia La Vëta fej al savëi che la iscrizions per l ann che vën ie daviertes – mé tres e-mail, scrijan a lialaveta@gmail.com. La Scola de Criatività pieta nce l ann che vën lerch per 27 sculeies y sculées dala cuarta elementera inant nchin tla terza mesana. La ancun­tedes ie n iede al’ena, de lunesc o mierculdi (aldò dl’età) y dura 90 menuc. Per nfurma­zions plu avisa pòssen cherdé su l 339 4912492.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Picoi sportives cresc
En mèrtesc ai 25 de jugn da les 20:30 te Comun General de Fascia l CGF adum con UISP e etres enc met a jir tel chèder de »Fuori Centro«
na scontrèda outa soraldut a alena­dores, referenc de sozie­tèdes sportives, educatores e genitores. Beatrice Agostini de UISP Trentino e Andrea Gabbani psicologh del sport rejonarà del sport desche ocajion per crescer.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.
21/26.06.
Festa per i 170 egn de la Banda de Moena
La Banda de Moena endreza cater dis de festa te tendon jun Navalge per festejèr si 170 egn de vita. En vender ai 21 e en sabeda ai 22 l aur da les 18:00 e l sera da la una de net con musega da saut. En do­menia ai 23 da les 14:30 gran defilèda fora per paisc. En mercol ai 26 festa per Sèn Vile da les 10:00 messa grana e da les 14:00 conzert de la Banda te tendon.
22-23.06.
Monc de Pèsc
Ai 22 de jugn taca a Moena la zelebrazions per i 10 egn de la mostra La Gran Vera. Te piaz de Ramon da les 11:30 auzabandiera e deposizion de la gherlanda dedant al mo­nu­ment del sudà. Da les 17:00 te Navalge inaugurazion de la mostra di dessegnes di sco­lees e scontrèda con An­drea Marighetti e Michele Simo­netti Federspiel. En domenia da les 14:30 defilèda storica fora per l paisc.
22-23-26.06.
150 egn di Studafech de Moena
I Studafech de Moena com­piesc 150 egn. En sabeda ai 22 vegn orì la caserma e fat na manovra de desmostrazion da les 16:00 a les 17:00 jun Navalge. En domenia ai 23 da les 14:30 defilèda fora per paisc con la Musega e en mercol ai 26 da les 8:45 defi­lèda e messa per la festa del patron Sèn Vile.

Mostres y Ert
Atualmenter
Oraries Museo Ladin de Fascia
L Museo Ladin de Fascia à orì si ujes dai 10 de jugn con l orarie da d’istà. Enscin ai 10 de setember l resta avert da la domenia al vender da les 10:00 a les 12:00 e da les 15:00 a les 19:00. De sabeda l è serà. Vegn endrezà ence vijites vidèdes per gropes, info e prenotazions al numer: 0462.760182.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­sen­park de la zitadina termala svizera l é operes de 88 artisć. Les resta fora fin a la fin de otober.
Atualmënter
Anvidalfarei y Sprotte tl Museum Ladin
Tl Museum Ladin Ciastel de Tor él da odëi la istalaziun »TOR« de Lois Anvidalfarei, sciöche ince la mostra »Sieg­ward Sprotte. Nord süd, la geografia dl’ert«. La mostra sará da odëi cina ai 30.09..
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Josef Kostner – cëves y ciavons
Tla galaria Vijion a Puntives iel metù ora na mostra dedi­cheda al artist Josef Kostner y n particuler ala tematica dl cë. La espusizion resterà da­vier­ta dai 8 de juni nchina ai 1 de lugio, dal lunesc nchin la sada danter la 16:00 y la 19:00, o cherdan su l nr. 338 2098697.
Atualmënter
»Mumënc« de Hugo Senoner
Tl Tublà da Nives iel da udëi na mostra de Hugo Senoner dal titul »Mumënc«, che re­sterà davierta nchin ai 29 de juni, uni di dala 16:00 ala 19:00, ora che l lunesc.
Atualmënter
Bienela Gherdëina
Ala nona edizion dla Bienela Gher­dëina, dal titul »The Par­liament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
25.06.
S-Link Economia digitèla per duc
Dales 20:50 ca. Anchecondì l digitèl l vegn durà trop te duc chi servijes che roda din­tornvia i sistemes econo­mics. L’economia digitèla la se à donca enscinuà te nosc fac e la é ruèda ite sorì te nosc apa­rac; colugn ei pa enben si risesc e si vantajes? Program de Cinzia Pistoia, a cura de Anna Mazzel.
26.06.
Tassìe: Musega n mestier alternatif
Dales 20:50 ca. Con Tassie jon a cognoser doi profescio­nisc de la musega, che laora te chest ciamp con mec neves e pech duré. I se mef coran anter lezions privates a stu­denc, registrazion de album e conzerc internazionai. Pro­gram de Matilde Gazzini, a cura de Anna Mazzel.
27.06.
Scenar ert y cultura
Dales 20:50 ca. Program de Ivan Senoner y Georg Penn, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
22.06.
Momënc de vita – intervista a Loise Unterweger
Dales 19:05. Loise Unterweger é nasciüda a San Martin de Tor y ara é chersciüda sö te n gran familia sön n lüch da paur. Ara s’á maridé a Anter­mëia y da dailó inant éra la monia dla dlijia de Antermëia. Loise nes cunta dl laur da monia, de ci che s’á mudé dal 1970 inant y dla dlijia de Sant Antone Abat. N program de Erika Castlunger.
23.06.
Te stua de… Georg Comploi
Dales 19:05. Vint ani alalongia ie l sport dl hockey stata si gran pascion, ma nce si lëur. Jugà àl pra la scuadres dl Milano, Torino, Bulsan y nce pra l HC Gherdëina. Chëst iede sons jic te stua de Georg Comploi »Tiscion« a nes lascé cunté velch sun si cariera spor­tiva y coche ël vëija l hockey al didancuei y l dauni de chësc bel sport te Gher­dëina. Tras­miscion de Simon Moroder.
25.06.
N isté atif y interatif tla natöra
Dales 14:45. Chësc program pre­senta les ativités che la Ciasa dl Parch Natural Fanes-Senes- Braies, mët a jí te chësc isté. N program de Sara Frenner.
26.06.
Zachei Zaolà – Martina Iori
Dales 19:05. Con la musizista fascèna Martina Iori jon a cognoscer zeche de più su sia musega e su sie percors arti­stich te la Finlandia a la presti­giousa Sibelius Academy de Helsinki Program de Cinzia Pistoia.
27.06.
Bröm, vërt, violet
Dales 19:05. I corusc baia, ai comunichëia tl’ert, insciö sciöche ince tla liturgia y tla psicologia. Te chësc program ti ciarunse tl monü ai coursc frëic, tres la usc de n prou, de na psicologa y de n artist. Program de Sara Frenner.

Referac
27.06.
Ci unse pa imparé tres Corona?
En jöbia ai 27 de jügn dales 20:00 él te biblioteca a Cal­fosch n referat cun Anneliese Obermann, dal titul »Ci unse pa imparé tres Corona? – ci á pa sperimenté nosc corp y ci podunse pa fá por renforzé nosc sistem imunitar?«

Sozial
Atualmenter
Bonamans per la enrescida scientifica
L Servije Sozio-assistenzièl del CGF e la Crousc Checena tol su bonamans per la enre­scida scientifica de la malaties rères. Se deida coscita l Depar­timent de Biologia Cellulare, Computazionale e Integrata (CIBIO) de l’Università de Trent per troèr fora neva tera­pies per salvèr la vita de chi che à na malatia rèra. La bona­­mans pel vegnir metudes sul cont de la Crousc Checena de Fascia e Fiem a la FPB Cassa.
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 4 de messé. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gher­dëina (Urtijëi Cësa de Cul­tura; S. Cristina Cësa de Che­mun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Chino
Atualmenter
Al chino de Tieser
Ai 21 de jugn da les 21:15 l é »La treccia«, en program ence en domenia ai 23 da la medema ora. En sabeda ai 22 enveze da les 21:15 l é »Bad Boys 4« e do­mesdì da les 17:15 »Inside out 2«, da poder vender ence en domenia ai 23 da la medema ora. En mercol ai 26 da les 21:15 sarà »Il Vangelo secondo Maria« e en jebia ai 27 amò »Inside out 2« con 2 proiezions, da les 17:15 en 3D e da les 21:15 en 2D. Program su www.cinematesero.com

Religion
06.07.
Corvara: Preparaziun dl Bato
La Uniun dles Ëres dl Decanat Val Badia inviëia geniturs che á n viadú da batié, pêrs che aspeta, toc y totes dl decanat ala preparaziun dl Bato, en sabeda ai 6 de messé dales 15:00 ales 17:00, te salf de calonia a Corvara. Le de vëgn stlüt jö cun n pice renfrësch arjigné dala Uniun dles Ëres. Prenotaziuns al 334 3200396.

Mujiga
23.06.
Cianté y soné sön munt
Pro la ütia Las Vegas sura le paisc da San Ciascian podarán aldí en domënia ai 23 de jügn 2024, dales 13:30 inant, n conzert dla seria »Cianté y soné sön munt« cun la Böh­mische da La Ila.

Teater
25.06.
Recital su la Vera
En mèrtesc ai 25 de jugn te teater de Navalge da les 20:45 vegn portà dant l recital »Uh, sta guerra maledetta e bestia!«, con la letura de scric de sudé fascegn dal front, memories e sons, con la regia de Ilaria Chiocchetti.

Cursc
24.06.
Le monn di funguns
Sot al’iniziativa ATIRA vëgnel tigní en lünesc ai 24 de jügn n’escurjiun tres chëra che an imparará val’ deplö söi fun­guns, nia ma da i cöié, mo ince da i conësc fora y da i respeté, y tröp de ater. An piará ia dales 09:30 a La Val cun Andrea. Iscriziuns online o ti ofizi turistics.
26.06.
»Nos Ladins«
Tres l’iniziativa Nos Ladins an la poscibilité da descurí deplö söl monn ladin y ince söi mistirs de nosta jënt. Ai 26 de jügn él n’incuntada a La Val cun Anna, che ves cun­tará sciöche an fej da mëte adöm na vidora y sües espe­riënzes tl monn dla musiga. Iscriziuns online o ti ofizi turistics.

Temp Lede
Atualmenter
Ala descurida dl paisc – Nosc paisc, le plü gran tesur
Na ciacia al tesur particolara portará fora por le paisc de La Val chëst invern. Fora por döta la sajun sarál la poscibilité da partezipé ala spazirada interativa, olache le travert sará da ciafé la parora de solu­ziun, chirin les staziuns fora por le paisc. Les informa­ziuns y i materiai da pié ia cia­­fen tl ofize turistich a La Val.
23.06.
»Kidshour«, devertimënt por mituns sö alalt
Pro le parch Movimënt sön Piz Sorega vëgnel metü a ji ai 23 de jügn jüc, animaziun y tröp devertimënt por mituns dai 5 ai 10 agn. La manifesta­ziun vëgn tignida vigni mer­tesc, jöbia y domënia dales 13:30 ales 17:00 cina ala fin de setëmber. Prenotaziun online o ti ofizi turistics.
23.06.
MitiBlum
Chësc festival che dura trëi dis, vën metù a jì te Sëlva, da ncuei nchin ai 23 de juni. Trëi dis dedichei al scumenciamënt dl instà, ntan chëi che n pu­derà scuvrì la ravises dl bënsté tla natura: rituei de yoga de­schëuc ti bòsc o tl’ega, medi­tazions, picknick,... N possa se nuté su cherdan su l 0471 777999.
26.06.
Marcià de sëures y de tradizions
Dai 26 de juni nchin ai 7 de agost saràl tl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
27.06.
»Flying Aperitivo«
N juebia ai 27.06 dala 18:00 nchin la 19.00 sun Pana. La manifestazion unirà fata da juni nchin tl scumenciamënt de setëmber, uni juebia. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de S.Cristina o direta­mënter pra l mplant dla Mont Sëura.
28.06
Nuet longia a Urtijëi
Nsnuet, vënderdi ai 28.06. dala 21:00 inant puderàn se la lascé ji bona tl raion da jì a pe de Urtijëi: la butëighes sarà daviertes, i locai da­jerà ora da bever y la grupa »sun|sëida« sunerà de bela mujiga. Ncuei, vënderdi, saràl la »Gin Night«.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.