La Usc di Ladins

Block the Car - demo cun la roda
La Lia per Natura y Usanzes mët a jì na demo per fermé l trafich de auti sun i jëufs ntëur al Mëisules
N se anconta ai 10 de agost dala 09:00 sun la plaza dai auti sun Plan de Gral­ba per furné deberieda cun la roda nchin sun Jëuf de Sela. L se trata de na demo acioche l vënie fat zeche contra l trafich automu­bilistich sun i jëufs ntëur al Sela, che ie truë’ de massa per la cun­treda y la natura, sibe dal pont de ududa de mpaziamënt dl am­bient, dl’aria y acu­stich. A duc y dutes l nvit de fé pea, sambën nce cun roda a lectrisc.

Pó pa la porsona y la laurs cunvire?
A San Ciascian vëgnel presenté ai 9 d’agost le liber »L’uomo e l’orso possono convivere?«
La Cooperativa turistica Alta Badia y le Museum Ladin inviëia ala pre­sen­taziun dl liber »L’uomo e l’orso possono convivere?« de Filippo Zi­bordi, en vën­dres ai 09.08. dales 20:45, tl salf dles mani­festaziuns J.B.Rinna (Str. Berto 23) a San Ciascian. Te chësta ocajiun baia le Zibordi, che é ince un di referënc dl proiet »Life ursus«, sura la relaziun inanter la porsona y i tiers salvari che vir incër nos ia, sciöche la laurs, le lu y les olps. La letöra vëgn tignida por talian, l’en­trada é debann.

Gehard Demetz: »Introjektion«
La giaurida dla mostra sarà n juebia, ai 8 d’agost, dala 20.00, tl Tublà da Nives te Sëlva
Figures de mutons ie da for al zënter dla criazion artistica de Gehard Demetz: »Pënse che l’afermazion de Boris Groys, che son n museum de gens, se spidlea dantaldut ti mutons nchin ai ot ani.
Per chësta rejon me nteressea dantaldut la fertilità y l putenziel criatif dla persona te si prims ani de vita, l tëmp, canche l carater ne n’ie mo nia furmà defin y dut possa mo se svilupé te na maniera liedia«.
La ntroduzion fajerà Lisa Trockner, Chalet Gerard mët a despusizion l buffet.
La mostra ie davierta nchin ai 8 de setëmber, uni di ora che lunesc dala 16.00 ala 19.00. De merdi, mierculdi y vënderdi nce dala 20.30 ala 22.30.

Festa dla leteratöra
Premiaziun dla X ediziun dl pest trienal de poesia ladina Angelo Trebo y presentaziun dl liber dla racoiüda iubilara
En sabeda ai 10 d’agost 2024 dales 11:00 gnarál tigní al Badia Pub a Pedraces la festa por la premiaziun dl Pest de poesies Angelo Trebo. En chësta ota él gnü metü da jí la X ediziun dl pest lirich, daverta a dötes les variantes ladines. Le con­curs de poesies vëgn metü da jí vigni trëi agn, dal 1997 incá.
En chësc de se presentará la juria de valutaziun, les premiades y le premiá liará dant sües poesies, al gnará presenté da pert dl’EPL le liber nü che tol ite dötes les poesies premiades dal 1997 incá tles diesc ediziuns y le grup de Gherdëna Chëifree sonará musiga jazz por la dërta aurela cörta.

Conzert cun le »Ludus Quartet«
Le festival Badiamusica vá inant le lönesc ai 12 d’agost dales 21:15, te dlijia de Badia
Da aldí sarál le »Ludus Quartet«, metü adöm da Andrea Ferroni y Ivo Cre­paldi ala vidora, Ale­xander Monteverde ala viola y Ivo Brigadoi al cello, cun Franz Comploi al orghe. Te chësta sëra podarán aldí operes de Do­menico Scarlatti, Luigi Boccherini y An­tonio Soler.
L’orghelist cunta de­bo­riada cun le cuartet l’epo­ca te chëra che Soler á co­nesciü impröma Scar­latti y spo Boccherini, pro la curt y la tlaustra »El Escorial« a Madrid.

»Mostra & aperitif« cun les Ganes
Le Museum Ladin Ciastel de Tor pîta na vijita menada ala mostra speziala y dedô aperitif cun musiga dal ví. Ai 8 d’agost cun les »Ganes Unplugged« –

• 
•  

View the embedded image gallery online at:
https://www.lausc.it/manifestazions-y-evenc/27641-manifestazions-atuales-speziales#sigProIdd39a5bf331

Elisabeth y Marlene Schuen
Le Museum Ladin inviëia a »mostra & aperitif«, en jöbia ai 8 de agost. Al vëgn pité vijites menades fora por la mostra »Countdown to Mass Extinction?« cun le curadú Herwig Prinoth. La vijita menada vëgn proponüda dales 15:00 ales 16:00 por todësch y dales 16:00 ales 17:00 por talian. Dales 17:00 inant podëise ves gode la sëra sön la terassa panoramica dl Museum Ladin Ciastel de Tor, cun n bun aperitif y musiga dal ví cun »Ganes Unplugged« – Elisabeth y Marlene Schuen.
I periun de na prenotaziun sot a prenotaziuns@ musemladin.it o al 0474 524020 por la vijita menada, che costa 10,00€ (entrada tl museum lapró).
I proscimi termins é spo ai 22.08. cun »L Vin y l Din« y ai 29.08 cun na vijita menada, zënza aperitif.

Conzert cun le Bozen Brass y Clara Sattler
Le grup »Bozen Brass« y la ciantarina conesciüda Clara Sattler tëgn n conzert ai 6 d’agost, te dlijia de Badia
Por stlü jö n de tles munts cun calma y serenité, vëgnel tigní en mertesc ai 6 de agost dales 20:30 te dlijia de Badia n conzert de musiga classica y sacrala. Le grup de stromënc a fle »Bozen Brass«, che tol ite deplü stii de musiga – dala classica ala moderna – portará dant composiziuns dër desvalies, acompagná dala usc dla ciantarina conesciüda Clara Sattler. La cian­tarina se á diplomé tl cianté pro le conservatore C. Monteverdi a Balsan, sciöche ince pro la scora alta de musiga a Viena. Le conzert é na ocajiun por passé na serada cun melodies portades dant da artisć de livel altiscim.

Ilominaziun dl Sassongher
Le crëp simbol de Corvara gnará ilominé ai 9 d’agost, cun acompagnamënt musical dla Müjiga Calfosch-Corvara
En vëndres ai 9 de agost, a Corvara, gnarál organisé la tradizionala ilominaziun dl Sassongher. La manifestaziun mët man dales 20:45 y gnará abelida dala Müjiga Calfosch-Corvara, che fej l’ingres tres le zënter y tëgn dedô n pice conzert sön paiun te plaza de Comun. Le crëp de Sassongher gnará ilominé da n valgügn mëmbri dl Aiüt Alpinisć Alta Badia. L’ilominaziun podará gní amirada diretamënter dal zënter de Corvara, che resta stlüt al trafich tratan döt l’isté, dales 18:00 ales 22:30. An podará ince amiré n cil da stëres y speré da odëi val’ stëra che toma. Dales 20:30 inant él ince le cogo Simone Cantafio che arjigna dlungia paiun na sort de canifl duc, »La soffice veneziana«, cun marili y crema de vanilia. Por vigni taí vëgnel damané n contribut de 5,00€, che vá a bëgn de proiec de »La miglior vita possibile«, na fondaziun che ti dá suport ales cures paliatives pediatriches.

Roberta Dapunt a Moena
L Panorama Music Festival conjobia poesia e notes en mercol ai 7 de aost te sala Rovisi te Piaz de Sotegrava. Etres apuntamenc fin a la fin de aost
La sociazion La Grenz de Enrico Tommasini, en colaborazion coi impianc portamont e l sostegn de la Region Trentin Sudtirol, la Provinzia de Trent, l’Apt e l Comun General de Fascia, porta inant ence chest an n rich calandèr per l »Val di Fassa Panorama Music«, l festival de musega che sporc conzerc sa mont e ti locai e paijes de duta la val. Ence te chesta neva edizion ge vegn dat lèrga a artisć de noscia valèdes e de autra mendranzes.
En mercol ai 7 de aost da les 17:30 te sala Rovisi te piaz de Sotegrava a Moena enconter con la poeta ladina Roberta Dapunt che lejarà vèlch poesia compagnèda da Marcello Fera a la vidola.
Trei apuntamenc é pervedui da sera te la senta de La Grenz, te strada Saslonch a Moena, olache da les 21:30 en sabeda ai 10 de aost sarà Carla Marcotulli Jazz Quintett, en domenia ai 18 l grop fascian Popcorner e en sabeda ai 24 la Jam Session.
Ultim apuntament en domenia ai 25 de aost da les 11:30 sun Ciampedie con la joena Alba Armengou, talent catalan de tromba e ousc da Barcelona.

Cademia da d’instà 2024
La Lia La Vëta nvieia de cuer ala sesta mostra finela dla Summer Academy Gherdëina, n duman sada ai 3 de agost dala 10:00 nchin la 17:00 tl studio de Aron Demetz a Puntives
L se trata de na mostra finela di lëures che i 20 studenc dla Summer Academy à fat tla 2 enes de Cademia–dai 22 de lugio nchin ai 3 de agost. La doi enes cun focus sun dessëni y scultura tl lën, ie states nce chëst ann n gran suzes: l ie unic:des adalerch sculeies y sculees da dut l mond, danter chisc nce n cinëisc y na australiana.
Duc y dutes ie nviei de cuer, tl studio de Aron Demetz – Pontives Nord 13.

Corps che se lieia
L Circolo–Lia Mostra d’Ert nvieia de cuer ala giaurida dla mostra »Corps che se lieia«, n vënderdi ai 9 de agost dala 20:30 tl self dla Lia Mostra d’Ert
La mostra di culetiva de Sophie Lazari, Tamy Plank, Noa Pane y Simon Comploi, ti va do ala dumanda coche corps possa se lië te na lerch. La lege fisica de Newton dij che doi masses se tira adum l’una cun l’autra. Ma co vë n pa partida su la spersa ntë urvia te na tel situazion sce l se trata de na lerch limiteda? Y co se muev pa i corps n relazion a deplù corps che se muev? Rué adum ie nce l scu­menciamë nt de na sozietà. Per fé a na moda che dut reste adum, vàl debujë n dl respet danter uniun. Nia for ie la lerch partida su valiva: suvë nz vë niela adateda aldò di bujë ns y dla cum­plessità dla formes de cumparida. La masses muessa vester a balanz...
La mostra resterà da udëi nchin ai 1. de se­tëmber, dal merdi nchin la du­mënia, 17:00–20:00 y de sada y dumënia nce dala 10:00–12:00.

Vernissaja de »Asmara 2024«
En vëndres ai 9 d’agost dales 18:00 vëgnel daurí tl Istitut Ladin a San Martin la mostra de Simon Josef Rubatscher
»Asmara 2024« é le titul dla mostra de Simon Josef Rubatscher da Longega, che vëgn daurida ai 9 d’agost tl Istitut Ladin Micurá de Rü a San Martin de Tor. Asmara é la capitala dla Eritrea tl’Africa, olache al á vit y ince lauré le dotur Carlo Call de Iosc, mëde dai tiers y gran berba dl artist. Tla mostra podarán odëi operes de trëi stii desfarënc. Simon Josef Rubatscher mët fora na secuënza de serigrafies; al sará spo operes plü tecniches y operes realisades cun corusc a acuarel.
La introduziun ala mostra vëgn pitada da Lucia Piccolruaz; la mostra é spo da odëi dai 10 ai 25 d’agost, vigni de dales 10:00 ales 12:00 y dales 15:00 ales 19:00.