La Usc di Ladins

Ra aministrazion de el Comun de Anpezo ra podarae fei fora alośe, par i so lourantes, inze el vecio convento de i frates de San Franzesco, che ‘l é pede ra jeja de ra Madona de ra Difesa. Chel ciaśamento, che ‘l é del comun, ‘l é tacà a ra vecia ciaśa par i vece, śo da i Lesie, sarada da almanco vinte ane, da canche i à daerto ra ciaśa noa, che ra porta el gnon de el dotor Angelo Majoni.
S’à parlà de chesto laoro inze ‘l ultimo consilio de comun, canche i à tirà fora ra storia che trope lourantes i s’in và, parcé che ca i no và adora a ciatà ciaśa, un alośo del ver. Da ‘l an pasà el Comun de Anpezo ‘l à fità ‘na ciaśa a San Vido, da bete inze tre lourantes: i consiliere da banda pizora i à dito che no và ben.

De plu tla edizion stampeda de La Usc di Ladins o sun l e-paper a paiament www.lausc.it/e-paper