La Usc di Ladins

Chino
Atualmenter
Al chino de Tieser
Anché vender ai 23 da les 17:15 e da les 21:15 en 3D l é »Cattivissimo me 4« che vegn moscià ence sabeda ai 24 da les 17:15 e lunesc ai 26 da les 17:15 e da les 21:15. Sabeda ai 24 da les 21:15 l é »Alien: Romulus«, jebia ai 29 da les 17:00 l é »Inside Out 2« al cost de 5 euro. Vender ai 30 da les 16:15 e da les 18:30 en 3D l é »Cattivissimo me 4« e da les 21:15 l é »Il corvo«. Program su www.cinematesero.com.

Referac
27.08.
Na munt de emoziuns
En mertesc ai 27 d’agost dales 21:15 él te Ciasa dla Cultura a La Ila na serada de »Na munt de emoziuns«, cun Marco Confortola. L’alpinist y guida cuntará dles munts y dl cambiamënt climatich, y baiará ince de so liber nü »Oltre la montagna«.

Religion
02. – 07.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 2 ai 7 d’otober (6 dis). Por pre­­notaziuns él da cherdé sö Daniele y Patrizia Agostini al 335 5268546; informaziuns ciafon pro Konrad y Cristine Sottara da La Val al 0471 843077 o 338 5027312.

Temp Lede
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paa­­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e prenota­z­ions al 0462.760182.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia cia­fon tl ofize turistich da La Val.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Butëighes daviertes te Sëlva
La butëiges de Sëlva sarà daviertes da sëira mo ncuei, dala 21:00 nchin la 22:30.
Uni sada
Sunset Aperitif
Uni sada vëniel metù a jì dala DanterEat (stazion japé dla Dantercëpies) n aperitif dala 16:00 inant, per amiré coche l surëdl va dojù y la bela mon­tes, sambën dut cumpanià da de bela mujiga.
24. y 25.08.
150 agn Dlijia La Val
Les iniziatives por le iubilé dla dlijia da La Val vá inant en sabeda ai 24 d’agost dales 20:30, cun iluminaziun dl paisc y conzert dles musighes da La Val y Wengen (Allgäu), sön plaza de Comun. En domënia ai 25 d’agost dales 9:00 él mëssa solëna cun le Vësco, dedô conzert da festa y aperitif sön plaza.
25., 27. y 29.08.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 25, 27 y 29 d’agost jüc, ani­maziun y devertimënt por mituns da 5 a 10 agn. La ma­nifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
26.08.
Escurjiun sura le chefer
Sot al’iniziativa »Atira« vëgnel metü a jí en lönesc ai 26 d’a­gost na escurjiun olache an pó imparé deplü sön le che­fer y ince sön i danns dla tempesta »Vaia« tl 2018, tl bosch de Ciaulunch. L’escur­jiun cun Roland pëia ia dales 9:30 dal Planac sura Corvara. Iscriziun online o ti ofizi turistics.
27.08.
»Kids Day« a Al Plan
La Cooperativa Turistica Al Plan/San Martin inviëia al »Kids Day« pro la »spiaggetta« Ciamaor a Al Plan, en mertesc ai 27 d’agost dales 14:00 ales 17:30. Al sará staziuns crea­tives, jüc d’ega y la poscibilité da se lascé depënje sö. Dales 14:30 ales 15:30 vëgnel ince pité da se fá na roda cun le ciaval.
27.08.
Domisdé a Pidrô
En mertesc ai 27 de agost dales 17:00 inant él a Pidrô les Patrunes da La Val che fej tutres y spëisa ladina, la Jonëza da Paur dá fora da bëre y les botëghes resta da­vertes cina ales 20:00.
28.08.
Cujiné te ütia
En mercui ai 28 d’agost dales 14:30 pón tó pert a n curs da cujiné spezialités tradizionales, tla Ütia I Tablá. An impara da cujiné balotes da spinot. Iscri­ziuns online o ti ofizi turi­stics.
28.08.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, y n.i.), dala 14:30 nchin la 18:00.
28. y 29.08.
Nos Ladins cun Rosa, Tone y Lucas
Tres l’iniziativa »Nos Ladins« án la poscibilité da descurí deplü sön le monn ladin y sön i mistiers de nosta jënt. En me­rcui ai 28 d’agost dales 9:00 pón incunté sön le Lüch d’Alfarëi Rosa y Tone, che cunta deplü sön la vita da paur. En jöbia ai 29 d’agost dales 16:30 a La Ila él Lucas che cunta dl laur da volontar pro la Crusc Blancia. Iscri­ziuns online o ti ofizi turistics.
29.08.
Devertimënt por mituns
En jöbia ai 29 d’agost pó i mi­tuns da 7 a 12 agn tó pert a n domisdé cun Matteo dl Parch Natural Fanes – Senes – Braies y imparé val’ sura la natöra y i tiers de bosch. I mituns s’incunta dales 15:00 ite dala Capanna Alpina a San Ciascian. Iscriziuns online o ti ofizi turistics dl’Alta Badia.
29.08.
Defileda dla trohtes y cunzert dla Mujiga
N juebia sëira dala 21:00 a Urtijëi da Plaza S. Antone nchin sun Plaza de Dlieja: defileda di guanc dala gher­dëina acumpaniei dala Mujiga de Urtijëi, che tenirà nce si cunzert sun la plaza dan dlieja.
29.08.
Vins alaleria
Tl’Alta Badia vá inant la seria de degustaziuns de vins de Südtirol. Ai 29 d’agost dales 14:30 söi Pra de Larcenëi a La Val podarán ciarcé na sele­ziun de vins spumanc de Süd­tirol, adöm a n sommelier. Iscri­ziuns online o ti ofizi turistics.
30.08.
Stories, jüc y pastelné te biblioteca
En vëndres ai 30 d’agost invië­ia la Biblioteca Sas dla Crusc dötes les mitans y i mituns dla scora elementara te biblio­teca a La Ila dales 15:00 por tó pert a en bel domisdé de jüc, stories y de pastelné.
30.08.
»Os setusc, tiradöms...« te Ciasa dl Parch
En vëndres ai 30 d’agost dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Os setusc, tiradöms, abi­nesse düc adöm... Jun a munt!«. Al é da s’anunzié anter la jöbia dales 18:00 al 0474 506120.
05.09
Chaos - leteratura scenica
N juebia ai 5 de setëmber dala ot da sëira saràl da udëi tla sala Circolo dla Lia Mostra d’Ert na reprejentazion de n dialogh a doi ujes da pert de Hanenn Huber, atëura, y Alex Cantarelli, autor y reghisser.

Dotours
Dutor Gherdëina
L dutor de servisc da n sada ai 24.08. dala 08:00 daduman nchin la 08:00 daduman de n lunesc ai 26.08. ie la dutu­rëssa Janine Santifaller, che ie da urté tl ambulatuere dla dr.ssa Cordula Weber a Urti­jëi, streda Trebinger 10, tel. 377/3132223.
Doturs Val Badia
Tla fin dl’edema di 24 y 25 d’agost él en sorvisc ti comuns de Badia, Corvara y La Val la doturia Lodovica Mattioni, tel. 328 8590842. Ti comuns de Mareo y San Martin él en sorvisc le dotur Eduard Agrei­ter, San Martin de Tor, tel. 0474 523315 o 333 1380852.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 23 de agost dales 19:00 al vëndres ai 30 de agost ales 19:00, é chëra da La Ila, tel. 0471 847152.
Apoteca Gherdëina
L’apoteca de servisc ora dl orar urdiner de giaurida da n vënderdi ai 23.08. nchin n vënderdi ai 30.08. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Mujiga
23.08.
Conzert dla Musiga da San Ciascian
La Musiga da San Ciascian tëgn conzert sön paiun da San Martin, incö vëndres ai 23 d’agost dales 21:00.
23/28/29.08.
Conzert di Popcorner
I Popcorner cianta insnet, vender ai 23 de aost da les 21:15, te piaz de Vich, se l é catitemp l conzert vegn fat te tendon de la manifestazions. L grop sarà ence en mercol ai 28 de aost da les 21:15 a La Gran Ciasa a Soraga e en jebia ai 29 da les 17:00 te piaz Marconi a Cianacei.
24.08.
Conzert de Elena Favè e Alessandro Biasi
En sabeda ai 24 de aost da les 17:00 te piaz de Moena l é l conzert ‘A due voci’ de Elena Favè e Alessandro Biasi che fèsc scutèr musega jazz, funk e rap.
24/25.08.
Festival Fascia Panorama Music
Ultimes apuntamenc del Fe­stival de Musega, che ge dèsc lèrga al ladin e a la men­dranzes. Te la bela senta de La Grenz a Moena en sabeda ai 24 da les 21:30 l é la Jam Session. En domenia ai 25 gran final col talent catalan Alba Armengou sun Ciam­pedie da les 11:30.
25.08.
Cianté

• 
•  

View the embedded image gallery online at:
https://www.lausc.it/manifestazions-y-evenc/27753-manifestazions-atuales#sigProIdaeb3e35fe0

y soné sön munt
En domënia ai 25 d’agost dales 13:30 inant él le proscim apuntamënt cun le »Cianté y soné sön munt«. Tla Ütia Scotoni a San Ciascian él da aldí le trio di »Cors da munt Sassongher«.
25.08.
Conzert de musiga classica y sacrala
En domënia ai 25 d’agost dales 21:15 él te dlijia da Cor­vara n conzert de musiga classica y sacrala, cun n grup de archëc sot la bachëta dl pröm vidorist Guido Freschi.
25.08.
Matinée de Jazz cun la grupa »Revensch«
Ai 25 de agost dala 11 inant sunerà la grupa »Revensch« tl zënter de Urtijëi.
27.08.
Conzert di Kairos
En mèrtesc ai 27 de aost da les 21:15 te piaz de Vich con­zert del grop Kairos con la chitara de Alex Pederiva, l bas de Antonello Salvestrini, la bateria de Tommaso Dondio e la ousc de Samantha Pede­riva. Se l é catitemp l vegn fat te tendon de la manifestazions.
27.08.
Bal populer a Urtijëi
I balarins y la balarines dla Grupa Bal Populer de Urtijëi balerà ai 27 de agost dala 21:00 tl zënter de Urtijëi.
28.08.
Abba Show Tribute a Poza
En mercol ai 28 de aost da les 21:15 lo dal Ski Stadium de Aloch a Poza conzert-tribut ai Abba, la cognosciuda band de la Svezia di egn ‘70 con »The first Italian Show«. Con­zert debant a l’averta, se fossa burt temp te tendon de la manifestazions de Poza.
28.08.
Mujiga y tradizions de Gherdëina
Pra la ntreda dl tunel dla ferata a Santa Cristina iel dala 21:00 nchin la 22:00 da pudëi udëi y audì l Cor di Ëi »Sasslong«, la grupa »Arton Duo« y i Schuhplattler de Ciampedel. Daldò saràl na cërcia de cëifs dëuc dla paures de Gherdëina.
29.08.
Cunzert dla Mujiga de Vahrn
La Mujiga de Vahrn sunerà n juebia ai 29 de agost dala 21:00 sun Plaza de Chemun te Sëlva.
29.08.
Conzert dla Musiga d’Al Plan
La Musiga d’Al Plan tëgn conzert sön paiun d’Al Plan, en jöbia ai 29 d’agost dales 21:00.
30.08.
Conzert dla Musiga da San Martin
La Musiga da San Martin tëgn conzert en vëndres ai 30 d’agost dales 21:00, sön paiun da San Martin.
30.08.
Cunzert dl cuartet VOXacord
Tla dlieja de Sëlva sunerà l cuartet VOXacord n cunzert de mujiga tlassica, n vënderdi ai 30 de agost dala 20:30.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmeter
Ujes averc a l’Union di Ladins
De jebia domesdì e de vender da doman, per dut l meis de aost, l’Union di Ladins de Fascia aur i ujes de sia neva senta te Ciasa de la Moniaria a Sèn Jan, olache se pel veder ence la stua veia e a pepian vegn metù fora la publicazion de la sociazion con gran rebas e tropes ence debant.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëura­prò saràl l mesun de damandé cunsëies a espertes.
24.08.
La Gran Vera a Ciampedel
En sabeda ai 24 de aost da les 21:00 te Piaz de Ciampedel Gabriele Valentini Mambo, pascionà di evenc de la Gran Vera, conta i avenimenc più emportant de chi egn ence con rertrac storics. Se fossa burt te tendon jun Ischia.
24.08.
I cater fantastics
En sabeda ai 24 de aost da les 21:00 te piaz de Cianacei vegn endrezà na scontrèda con Fulvio Valbusa, Giorgio Di Centa, Pietro Piller Cotter e Cristian Zorzi che conta de sia esperienza a la stafeta de or de Torin 2006, en vista de la Olimpiades 2026.
25.08.
Comemorazion di morc en Val Minera
En domenia ai 25 de aost l Grop ANA de Moena endreza la comemorazion di sudé taliegn morc te la Gran vera te la Val Minera sun Boce. Se se troa sun Lujia per peèr via da la Malga Boce da les 9 da doman; da les 10:30 messa lo da la veia cortina de vera de Val Minera col Cor Enrosadira e do lo da la Malga se pel marenèr e scutèr l conzert del Cor.
26.08.
Apuntamenc de »Ad alta voce«
En lunesc ai 26 de aost da les 21:15 te Piaz de Comun de Sèn Jan a Poza, per la rassegna »Ad alta voce« rencurèda da Virna Pierobon, scontrèda con Monica Malfatti che pre­jentà sie ultim liber ‘Dimmi che mi ami. Le Dolomiti di Claude Barbier’.
28.08.
Sara Segantin a Moena
En mercol ai 28 de aost da les 17:30 te piaz Perle Alpine de Moena per la rassegna ‘Moena Incontri’ l é na scon­trèda con la joena scritora e ativista de ‘Fridays for Future’ Sara Segantin che prejenta sie ultim liber ‘Non siamo eroi’.
02.09.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancunteda sarà ai 2 de setëmber.
13.09.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 13 de se­tëm­ber dales 14:00 ales 17:00. Por prenotaziuns cherdé sö le 0471 946020. L’ultima udiën­za de chësc ann a San Martin é ciamó ai 8 de novëm­ber.

Mostres y Ert
Atualmënter
Corps che se lieia
L Circolo–Lia Mostra d’Ert nvieia de cuer ala mostra »Corps che se lieia«, che resterà da udëi tl self dla Lia nchin ai 1. de setëmber, dal merdi nchin la dumënia, 17:00–20:00 y de sada y dumënia nce dala 10:00–12:00.
Atualmënter
Mostra »Introjektion« de Gehard Demetz
L Tublà da Nives te Sëlva nvieia ala mostra »Introjektion« de Gehard Demetz, che resterà da udëi nchin ai 8 de setëmber, uni di dala 16:00–19:00, de merdi, mierculdi y vënderdi nce dala 20:30–22:30. De lunesc iel stlut.
Atualmënter
Mostra coletiva »online to heaven«
Tla galaria Vijion a Puntives iel da udëi nchin ai 26 de agost la mostra coletiva dal titul »online to heaven«. Orares: dal lunesc nchin sada dala 16:00–19:00, o cherdan su l 338/2098697.
Atualmënter
Mostra »Cumpedan i invierns«
La Galaria Doris Ghetta nvieia ala mostra de Aron Demetz dal titul »Cumpedan i invierns«, che resterà da udëi nchin ai 7 de setëmber.
Atualmënter
Bienela Gherdëina
Ala nona edizion dla Bienela Gherdëina, dal titul »The Par­liament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëm­ber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Cia­stel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra »Alta Badia – N ater punt de odüda«
Tl Buchladen am Rienztor a Bornech él da odëi la mostra de fotografies »Alta Badia – Anders gesehen«, de Wolfgang Rieger. Al é da Graz y maridé cun na ladina. Porchël ál metü man da fá fotografies dla patria ladina, che descür motifs impreodüs, nia usuai, n’atra odüda dl raiun.
Atualmënter
Mostra de Simon Josef Rubatscher
»Asmara 2024« é le titul dla mostra de Simon Josef Ru­batscher, che é da odëi tl Istitut Ladin Micurá de Rü a San Martin de Tor. Ara é ciamó daverta cina ai 25 d’agost, vigni de dales 10:00 ales 12:00 y dales 15:00 ales 19:00.
23.08
Mostra ‘Cosmo’ a Vich
Ultim dì anché vender ai 23 de aost per pdoer veder te scola populèra de Vich la mostra »Cosmo – N univers da descorir« endrezèda da la Coprativa sozièla Inout, averta da les 15:00 a les 19:00. Info al nr 331 7959354.
25/28.08
Mostra ‘Mille Centrini’ a Vich
Da domenia ai 25 fin en mer­col ai 28 de aost te Ciasa M armolada a Vich se pel veder la mostra-marcià de lurieres fac a man dal grop solidal de volontères del paisc »Mille Centrini«. La é averta da les 15:00 a les 18:30.
01.09.
Mostra de fonc
N dumënia ai 1. de setëmber dala 09:30 nchin la 16:30 saràl da udëi la mostra de fonc sun Pitla Plaza S. Antone a Urtijëi.

Iadi y Jites
24.08.
Jita cun la e-bike da Rein in Taufers nchin Burnech
La Lia da Mont Gherdëina mët a jì na jita cun la roda a lectrisc da Rein in Taufers su nchin sun l Klammljoch, do jù te Defreggental tl’Austria y inant sun l Staller Sattel y ju a Burnech. L se trata de na jita mesanmënter ria de 70 chilometri y n deslivel de 1.400 metri. Per nfurmazions y iscrizions (dai 12. - 16.08.): 338 3340111.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Sport
Atualmenter
Tornoi de tennis a Moena
Va inant fin ai 25 de aost al Zenter sportif Navalge de Moena l tornoi nazional open de tennis Memorial Ezio Damolin, endrezà dal Zircol de Tennis de Moena, che met a la leta l Trofeo FPB Cassa. Da les 14:00 inant se pel veder duc i dis partides de aut livel.
Atualmenter
Tornoi ladin de hockey
En mèrtesc ai 27 de aost per l Tornoi ladin de hockey tel stadie de Dèlba da les 20:54 l é la partida Fascia contra Cortina e l’ultima partida sarà vender ai 30 a Selva anter Gherdena e Fascia e sobito do la premiazions.
25.08.
Trofeo Contrin
En domenia ai 25 de aost vegn endrezà l Trofeo Contrin, la garejèda de corsa che ponta demez da Dèlba per ruèr fin al Refuge Contrin, 6 chilo­metres e 500 metres de disli­vel. I atlec se troa da les 9:00 te piazal del impiant de Ciam­pac, i ponta demez da les 10:00; premiazions da les 14:00.
30.08.
Trofeo Ladin de hockey: HC Gherdëina vs. Fassa Falcons
Tl stadio Pranives te Sëlva uniràl a se l dé ai 30 de agost dala 20:45 l juech de Trofeo Ladin de hockey, danter l HC Gherdëina y i Fassa Falcons.
31.08.
Copa de Gherdëina
N sada ai 31 de agost dala 09:00 inant uniràl a se l dé n turnoi de juech al palé tl ciamp dal palé a Urtijëi. Danmesdì jugherà i mutons y la mutans dla U9 y domesdi chëi:les dla U10. L fajerà pea bën dodesc scuadres de duta la provinzia. Ala fin saràl mo na festa per duc. L vën perià bel de lascé l auto da Mulin da Coi.
31.08.
Enduro Trail Hunt »Ciacia dla bales«
N sada ai 31 de agost puderà i apasciunei de enduro fé pea na garejeda da cater ndesfides. N se anconta dan l ufize de Active & Events tla streda Mëisules 145 te Sëlva dala 10:00. L puderà fé pea grupes da doi o da trëi (tlassifica a pert per la rodes da mont a lectrisc). N possa se scrì ite sot a www.valgardena.it

Segres y Festes
23. - 25.08.
Festival dla ciculata te Sëlva
Da ncuei, vënderdi 23 nchin ai 25 de agost vëniel metù a jì te Sëlva, sun Plaza Nives, n festival de ciculates fates a man. La manifestazion scu­mëncia for dala 09:00 y va inant nchin la 19:00.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
27.08.
Pizes dla Ladinia: la Crousc de Sant’Uliana cun Christian Holzknecht
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
28.08.
Trail spezial: 30 ani UNIKA danter tradizion y inuvazion
Dales 20:50 ca. Nasciuda ora de n bujën te n tëmp de crisa dl artejanat artistich, possa UNIKA aldidancuei mustré su na storia de suzes. Al mu­mënt se njinia i cumëmbri per l’edizion de iubileum dla mostra, che unirà a se l dé de setëmber. Y tol l’ucajion per fé vel reflescion sun n percurs, che à giaurì pruspetives nueves per l’ert dl ziplé te Gherdëina. A cura de Martina Rier.
29.08.
S-Link: Economía digitèla per duc
Dales 20:50 ca. Anchecondì l digitèl l vegn durà trop te duc chi servijes che roda din­tornvia i sistemes econo­mics. L’economia digitèla la se à donca enscinuà te nosc fac e la é ruèda ite sorì te nosc aparac; colugn ei pa enben si risesc e si vantajes? Program de Cinzia Pistoia, a cura de Anna Mazzel.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
23.08.
L stadio de Urtijëi fova n pont de ancunteda
Dales 19:05. Ai 6 de juni dl 1999, donca dan 25 ani, ova na smueia desdrù l stadio dala dlacia via n Setil a Urtijëi. L Chemun ne s’l à pona nia plu ududa sëurora de l fé su nce per l fat che te Sëlva fovel bele n stadio cun dlacia artifiziela. Audiron la testemunianzes de Georg Moroder che fova ntlëuta presidënt dla coope­rativa che menova l stadio y de Giulano Delucca presidënt dl HC Gherdëina. Trasmiscion de Simon Moroder.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
24.08.
Momënc de vita – intervista a Silvia Alfreider
Dales 19:05. Silvia Alfreider é chersciüda sö a Badia, ara á studié lingac al’Université de Bologna y dedô ára fat deplü esperiënzes de laur. Silvia nes cunta de so stüde dl lingaz norvegesc. Dal 2012 incá virera a Oslo y ara nes cunta de sües esperiënzes de laur. Silvia Alfreider á ince na gran pasciun por la musiga y ara cianta instëssa. N pro­gram de Erika Castlunger.
27.08.
Trëi
Dales 13:45. La musizista y cian­tauturia Mara Miribung, nes presënta te chësc program le grup musical Trëi. N pro­gram de Sara Frenner.
28.08.
Noscia storia tres èrc e massarìes: L Pester, blason de Fascia
Dales 19:05. L Pester, l simbol de Fascia è vegnù dessegnà per la pruma outa del 1607 da Gregor Napl e l é doventà ti egn l blason istituzional ence del Comun General de Fascia. De si storia e so segni­ficat adum al valor del lurier di bachegn rejonaron te chest program con Anelise Vian. Program de Anna Mazzel.
29.08.
150 agn Dlijia da La Val
Dales 19:05. Le artist, inse­gnant y storich Alfred Tavella, nes cunta dla storia dla Dlijia nöia da La Val, en ocajiun de n iubileum important. Pro­gram de Sara Frenner.