La Usc di Ladins

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
03.09.
Pizes dla ladinia: Piz Ciavazes
Dales 20:50 ca. Program de Manfred Stuffer, tai y rejia de Jan Piere Karbon, a cura de Alessandro Dapunt.
04.09.
Arpejuns: Santa Giuliana
Dales 20:50 ca. Program de Giulia Tasser, tai y rejia de Jan Piere Karbon, a cura de Alessandro Dapunt.
05.09.
Scenar ert y cultura
Dales 20:50 ca. Program de Ivan Senoner, tai y rejia de Jan Piere Karbon, a cura de Leo Senoner.

Radio
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
30.08.
»Eroes da uni di«
Dales 19:05. A S. Cristina iel unì metù a jì na demostrazion dla grupes dla prutezion zevila de Gherdëina, la Crëujes Blan­cia y Cuecena, i destuda­fuech, i judacrëp, l Aiut Alpin y nce la grupa de sucors cun i cians. L fin de duc ie chël de judé can­che l ie debujën, la majera pert fej chësc servisc te na maniera ulentera y datrai se mëti nstësc n pericul per judé. La grupes à abù ucajion de se presenté y l ie nce unì fat deplù desmustrazions dal vif. Tras­miscion de Simon Moroder.
31.08.
Momënc de vita – intervista a Elvis Burchia
Dales 19:05. Elvis Burchia é chersciü sö a Badia, olache al â bele da pice albü ocajiun da aldí tröpa musiga. Al á studié a Desproch y al insëgna tla scora mesana. Süa gran pa­sciun é la musiga, al sona pro la Musiga da Badia y al é pre­sidënt di Kyrios, na uniun che á complí l’ann passé 50 agn. Elvis nes cunta dl’ativité de chësc cor y dl’importanza che la musiga á por ël. N pro­gram de Erika Castlun­ger
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
03.09.
Zachei zaolà: Anastasia Kostner
Dales 19:05. Isnet nosc micro­fons se met en coleament con Amsterdam olache ne speta la balarina e coreografa Ana­stasia Kostner. Dessema a ela jiron a la descuerta del bal modern e jiron a cognoscer zeche de più su chel che roda dintornvia la percezion del corp anchecondì. Program de Cinzia Pistoia.
04.09.
Cuartet leterer »L testamënt dl lëuf«
Dales 19:05. L cuartet leterer, program de descuscion sun opres letereres, cun autores y critics de leteratura ladina rejona ncuei dl liber »L testa­mënt dl lëuf« de Ivan Senoner. N program de Rut Bernardi cun Roland Verra, Ingrid Runggaldier y Mateo Taibon, a cura de Anna Mazzel.
05.09.
N bun compagn de papier/plastica
Dales 19:05. Al é n compagn de iade che vëgn cun me, n compagn che me aspeta sön castl da let y me condüj te monns mai conesciüs. Te chësc program nen vára de libri y dla biblioteca de paisc. N program de Sara Frenner.

Temp Lede
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la do­menia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paa­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e preno­tazions al 0462.760182.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Les informa­ziuns y i materiai da pié ia cia­fon tl ofize turistich da La Val.
30.08.
Sparkling Summer Nights
Tl zënter de Urtijëi saràl ncuei l vënderdi lonch cun la tema­tica »Craft Beer Night«, nuet de pier artejanel. L sunerà la grupa »Spremuta«. Ntrate­ntimënt de mujiga dal vif assegurà, velch da bever y dessegur truepa blëita.
01., 03. y 05.09.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí al 1., ai 3 y 5 de setëmber jüc, ani­maziun y devertimënt por mituns da 5 a 10 agn. La ma­nifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
02.09.
Imparé deplü sön i pra y le sié
Tla cornisc dla iniziativa »Ati­ra« vëgnel tigní en lönesc ai 2 de setëmber na escurjiun olache an pó imparé deplü sön i pra y sciöche ai vëgn siá y mantignis. L’escurjiun cun Gottfried pëia ia dales 9:30 pro le Lüch da Murin a Badia. Iscriziuns online o ti ofizi turistics dl’Alta Badia.
03.09.
Gosté da paur
En mertesc ai 3 de setëmber dales 8:00 pón tó pert al »Go­sté da paur« sön le Lüch Arsla­da a Badia. An podará vijité le lüch, jí te stala y ti ciaré ai tiers, denanche se gode n bun gosté cun lat, smalz, üs, pan y d’atres spe­zialités fates te ciasa. Iscriziuns online o ti ofizi turistics dl’Alta Badia.
04.09.
Nos Ladins cun Anna
Tres l’iniziativa »Nos Ladins« án la poscibilité da descurí deplü sön le monn ladin y sön i mistiers de nosta jënt. En mercui ai 4 de setëmber dales 14:00 a La Val pón imparé a conësc Anna, che fej vidores y cuntará dla costruziun de sü stromënc. Iscriziuns online o ti ofizi turistics dl’Alta Badia.
05.09
Vins alaleria
Tl’Alta Badia se stlüj jö la seria de degustaziuns de vins de Südtirol. L’ultim apunta­mënt é en jöbia ai 5 de setëm­ber dales 14:30 sön le Tru di Artisć. An podará ciarcé na seleziun de vins spumanc, blanc, cöci y rosé de Südtirol, adöm a n sommelier. Iscriziuns online o ti ofizi turistics.
06.09.
Stories de 15 menuc
Tla bibliotech San Durich de Urtijëi saràl n vënderdi ai 6 de setëmber dala trëi domesdì da ti scuté su a »Stories de 15 menuc per mutans y mutons« cun Nathalie.
06.09.
»300 miliuns de agn« te Ciasa dl Parch
En vëndres ai 6 de setëmber dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »300 miliuns de agn, te n’ora y mesa!«. Al é da s’anunzié anter la jöbia dales 18:00 al 0474 506120.
07.09.
Sellaronda Bike Day
En sabeda ai 7 de setëmber vëgnel tigní le Sellaronda Bike Day, olache an pó pedalé sön 53 chilometri de strada incër le grup dl Sela. Por l’ocajiun vëgnel stlüt al trafich dales 8:30 ales 16:00 les strades anter i jus de Sela, Pordú, Ciaulunch y Frara.
08.09.
Mëssa sun Jëuf de Frea
N dumënia ai 8 de setëmber saràl inò, pra la Capela de San Mauriz sun Jëuf de Frea, la mëssa tradiziunela dla grupa di Alpini de Gherdëina. La mëssa, tenida dal seniëur pluan de Sëlva, sarà dala 11.35 nchin la 11.45, l Cor de Dlijea de Sëlva cianterà. Per festejé i vint ani dla capela saràl l cor di alpini »Concordia« de Maran che tenirà n pitl cun­zert. Per chi che uel jì su a pe: n se anconta dala 9.30 dal Hotel Alpino te Plan. Duc ie de cuer nviei.
12.09.
Domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 12 de setëmber dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni vënderdi
Butëighes daviertes te Sëlva
La butëiges de Sëlva sarà da­viertes da sëira mo ncuei, dala 21:00 nchin la 22:30.
Uni sada
Sunset Aperitif
Uni sada vëniel metù a jì dala DanterEat (stazion japé dla Dantercëpies) n aperitif dala 16:00 inant, per amiré coche l surëdl va dojù y la bela montes, sambën dut cumpanià da de bela mujiga.

Publizistica
30.08.
Presentaziun: »Monumënc de pera«
Incö vëndres ai 30 d’agost dales 18:00 vëgnel presenté tl Museum Ladin Ursus ladi­nicus a San Ciascian le liber »Monumënc de pera – incisioni rupestri nelle Dolomiti e in Sudtirolo« se de Mario Clara da Lungiarü. La presentaziun é por talian, l’entrada é debann.

Sozial
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 12 de setëm­ber. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gher­­dëina (Urtijëi Cësa de Cul­tura; S. Cri­stina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Ma­ri­sa), per S. Cristina l 333 1499949, Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
30.08.
N codejel coi servijes per la jent de età
L Servije Sozio assistenzièl – Spazio Argento del Comun General de Fascia, en colabo­razion con APSS e APSP, porta dant anché, vender ai 30 de aost da les 5 domesdì te sala gran del CGF a Sèn Jan l codejel coi servijes e i intervenc per la jent che à più che 65 egn e per sia families.

Referac
04.09.
Na munt de emoziuns
En mercui ai 4 de setëmber dales 20:30 él te Ciasa dla Cultura a La Ila na serada de »Na munt de emoziuns«, cun Gerlinde Kaltenbrunner. L’al­pinista dl’Austria cuntará dles munts, dla preparaziun fisica y mentala, dles dificoltés y dl’alimentaziun. La sëra é por todësch.

Religion
14.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n viadú da batié, pêrs che aspeta, toc y totes de nosc decanat ala pre­paraziun dl Bato, en sabeda ai 14 de setëmber dales 15:00 ales 17:00 a La Val, tl salf dles manifestaziuns. Prëibel se pre­noté pro Lucia al 334 3200396.
02. – 07.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 2 ai 7 d’otober (6 dis). Por pre­­­­no­­taziuns él da cherdé sö Daniele y Patrizia Agostini al 335 5268546; informaziuns ciafon pro Konrad y Cristine Sottara da La Val al 0471 843077 o 338 5027312.

Dotours
Dutor Gherdëina
L dutor de servisc da n sada ai 31.08. dala 08:00 daduman nchin la 08:00 daduman de n lunesc ai 02.09. ie l dutor Pablo Policastro, che ie da urté tl ambulatuere dla dr.ssa Cordula Weber a Urtijëi, streda Trebinger 10, tel. 366/3646254.
Doturs Val Badia
Tla fin dl’edema dl 31 d’agost y 1. de setëmber él en sorvisc ti comuns de Badia, Corvara y La Val le dotur Guido Caret­ta, Calfosch, tel. 0471 836870 o 337 616080. Ti co­muns de Mareo y San Martin él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca de servisc ora dl orar urdiner de giaurida da n vënderdi ai 31.08. nchin n vënderdi ai 06.09. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 30 de agost dales 19:00 al vëndres ai 6 de setëmber ales 19:00, é chëra da San Martin/Picolin, tel. 0474 523020.

Mujiga
30.08.
Conzert de musega baroca a Moena
En sabeda ai 30 de aost da les 21:00 te gejia Sèn Vile de Moena l é l conzert del en­semble baroch ‘Le imperfette consonanze’ con Marco Mar­tinello a la viola, Samuele Masetto flaut, Paola Frezzato fagot, Alessandro Marchiori chitara e Chiara De Zuani clavicembalo.
30.08.
Cunzert dl cuartet VOXacord
Tla dlieja de Sëlva suneràl ncuei dala 20:30 l cuartet VOXacord n cunzert de mu­jiga tlassica.
30.08.
Conzert dla Musiga da San Martin
La Musiga da San Martin tëgn conzert incö vëndres ai 30 d’agost dales 21:00, sön paiun da San Martin.
31.08.
I Sons de la Dolomites sun Lujia
En sabeda ai 31 de aost da les 12:00 lo da Malga Cianvere sun Lujia l é l conzert di Sons de la Dolomites con »Die Cellisten des Mozarteum Salz­burg«, n grop de joegn talenc de la prestigiousa uni­versità de Salzburg vidé dal solist Giovanni Gnocchi.
01.09.
Cianté y soné sön munt
I apuntamënc cun le »Cianté y soné sön munt« tl’Alta Badia vá inant. En domënia al 1. de setëmber dales 13:30 sona tla Ütia I Tablá a La Ila le grup »4a Gsponn«.
05.09.
Conzert con Letizia Beate Iori
En jebia ai 5 de setember da les 17:00 te piaz de Cianacei con­zert con la joena ciantau­tora da Dèlba Letizia Beate Iori. Se l é catitemp l conzert vegn anulà.
03.09.
Conzert spetacol de Elio a Cianacei
En mèrtesc ai 3 de setember da les 21:00 te chino Marmo­lèda Elio, del grop Elio e le Storie Tese porta dant la contia de Pinocchio te n con­zert spetacol col compagna­ment de l’Orchestra dei Colli Morenici. L cost del biliet é de 25 euro.
06.09.
»Unknown Brass« y Ermes Costa
En vëndres ai 6 de setëmber dales 20:30 él te dlijia da Cor­vara n conzert cun le cuintet »Unknown Brass« y Ermes Costa ai orghi da man (cam­piun dl monn 2018).

Mostres y Ert
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra sura les Dolomites
Cina ai 13 de setëmber pón odëi tl salf dles manifestaziuns a Corvara na mostra sura les dolomites, cun retrac di foto­grafs dla natöra de Südtirol–Strix. La mostra é daverta dal lönesc ala sabeda dales 8:00 ales 12:00 y dales 15:00 ales 19:00, la domënia y i santus dales 9:00 ales 12:00 y dales 16:00 ales 18:00.
Atualmënter
Bienela Gherdëina
Ala nona edizion dla Bienela Gherdëina, dal titul »The Par­liament of Marmots« y pra chëla che l fej pea bën 35 ar­tisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
01.09.
Mostra de fonc
N dumënia ai 1. de setëmber dala 09:30 nchin la 16:30 saràl da udëi la mostra de fonc sun Pitla Plaza S. Antone a Urtijëi.

Sport
Atualmenter
Tornoi ladin de hockey
Se sera su insnet, vender ai 30 de aost da les 20:45 te stadie de Selva l Tornoi ladin de hockey con l’ultima partida anter Gherdena e Fascia e sobito do la premiazions.
31.08.
Kronplatz King MTB Marathon
En doman sabeda al 31 de agost vëgnel tigní la gara cun roda da munt »Kronplatz King MTB Marathon«, cun start dles 8 da doman a Al Plan y travert sön Plan de Corones. I atlec pó se mosoré tl percurs »King Marathon« de 64 km o le »Prince Classic« de 49 km. Novité de chësc ann é la categoria E–bike sot i 20 chili.
30.08.
Trofeo Ladin de hockey: HC Gherdëina vs. Fassa Falcons
Tl stadio Pranives te Sëlva uniràl a se l dé ai 30 de agost dala 20:45 l juech de Trofeo Ladin de hockey, danter l HC Gherdëina y i Fassa Falcons.
31.08.
Copa de Gherdëina
N sada ai 31 de agost dala 09:00 inant uniràl a se l dé n turnoi de juech al palé tl ciamp dal palé a Urtijëi. Danmesdì jugherà i mutons y la mutans dla U9 y domesdi chëi:les dla U10. L fajerà pea bën dodesc scuadres de duta la provinzia. Ala fin saràl mo na festa per duc. L vën perià bel de lascé l auto da Mulin da Coi.
31.08.
Enduro Trail Hunt »Ciacia dla bales«
N sada ai 31 de agost puderà i apasciunei de enduro fé pea na garejeda da cater ndesfides. N se anconta dan l ufize de Active & Events tla streda Mëi­sules 145 te Sëlva dala 10:00. L puderà fé pea grupes da doi o da trëi (tlassifica a pert per la rodes da mont a lectrisc). N possa se scrì ite sot a www.valgardena.it
01.09
FC Gherdëina contra l Salurn
N dumënia saràl dala 15:30 na partida dl juech al palé de prumozion de campiunat a livel pruvinziel. L fajerà l FC Gherdëina contra l Salurn ta Mulin da Coi.
07.09.
Marcialonga Running Coop
En sabeda ai 7 de setember da Piaz de Sotegrava da les 16:30 ponta via la Marcialonga Running Coop, la garejèda de corsa a pe che perveit doi percorsc, un più curt de 21 chilometres fin a Masi e un de 26 chilometres fin a Cia­valeis olache sarà la premia­zions, pasta party e musega.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
02.09.
Apuntamenc de »Ad alta voce«
En lunesc ai 2 de setember da les 21:15 te Piaz de Comun de Sèn Jan a Poza, per la rasse­gna »Ad alta voce« ren­curèda da Virna Pierobon, scontrèda con l alpinist fascian Renato Bernard che contarà de sia impreses alpinistiches.
30.08.
Spetacol final de Istà Algegra
Insnet, vender ai 30 de aost da les 21:00 te teater Navalge, vegn portà dant l spetacol finèl di 130 bec de Moena e Soraga che à tout pèrt via per dut istà a la scomenzadives de Istà Algegra.
31.08.
Renato Bernard a Ciampedel
En sabeda ai 31 de aost da les 21:00 te piaz de Ciampedel l me­nacrep Renato Bernard conta de sia esperienzes alpini­stiches da l’Islanda a la Grecia e l dèsc ence vèlch consei de co jir sa mont en segureza. Se l é catitemp te tendon de la manifestazions jun Ischia.
02.09.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­­dëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancunteda sarà ai 2 de setëmber.
04.09.
A Spas con la musega
En mercol ai 4 de setember con scomenz da les 21:15 a Poza vegn serà fora strèda de Meida per ge lascèr lèrga a desvalives gropes de musega: Elena e Alessandro Acoustic Duo, Portobello Dire Straits Tribute, Nope e Love in Lions.
05.09.
Berstot de cumedures mubiles
N juebia ai 5 de setëmber se fërma la berstot de cumedures mubila a Santa Cristina danter la diesc daduman y la doi domesdì sun Plaza de Che­mun. N possa se lascé cuncé la roda sce l ie velch che man­cia. L ie debant.
05.09.
Camper dla zentrela di cunsumadëures
L KVW de Urtijëi à metù a jì sun la Pitla Plaza de Sant An­tone, n juebia ai 5 de setëm­ber dala 14:30 nchin ala 16:30, l servisc dl camper dla zentrela di cunsumadëures. L ie n ser­visc de nfurmazion y cun­sulënza, y la puscibltà de se tò pea material de nfurmazion sun argumënc spezifics coche assegurazions, nvestimënc finanzeres, priejes y co mëter a verda per ne unì nia ngianei a cumpré ite y n. i. Oradechël puderàn fé n test di udleies da surëdl (raies UV) y di zelu­leres (mesurazion raies).
06.09.
Scontrèda col esplorador Franco Michieli
En vender ai 6 de setember lo dal refuge Roda de Vael da les 11:00 per la rassegna #vivereinrifugio de la Fonda­zion Dolomites Unesco l é na scontrèda col geograf, esplo­rador e scritor Franco Michieli per entener che che l é do che muda tel ruol de la uties da mont.
13.09.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 13 de se­tëmber dales 14:00 ales 17:00. Por prenotaziuns cherdé sö le 0471 946020. L’ultima udiën­­za de chësc ann a San Martin é ciamó ai 8 de novëm­­ber.

Iadi y Jites
03.09.
Jita d’autonn tl Val de Gsies
L Muvimënt Catolich dl’Ëiles (tres l Servisc de Furmazion Gherdëina) mët a jì n merdi ai 3 de setëmber na jita tla Val de Gsies. N se anconta dala 7.30 dal Dosses per jì tres l Puster nchin te Gsies. L unirà fat na paussa dl caffé y una da marënda cun devu­zion a Sankt Magdalena/Gsies. L viac y la marënda (zënza buandes) custerà 65 euro. N possa se lascé nuté su tla banca Reiffeisen a Santa Cristina o sot al numer 339/6783073.

Chino
Atualmenter
Al chino de Tieser
Anché vender ai 30 de aost da les 16:15 e da les 18:30 en 3D l é »Cattivissimo me 4« e da les 21:15 l é »Il corvo«, sabeda ai 31 de aost e domenia al prum de setember da les 17:15 l é »Cattivissimo me 4« e domenia al prum da les 21:15 l é »Il corvo«. Program su www.cinematesero.com.