Maria Frena: Bondì a duc, mi son Maria Frena, ai 21 agn e ai 16 de otobre metarai man l terzo an de la LMU de München.
Da ulà ela vegnuda fora chesta tua passion per la medijina?
Intant che sonve a Berlin a fà l cuarto an de scole aute l é stà i professor de scienze e chimica che m’à fat cresse la passion per chis argomenc che puoch ave studié nte mia scola. Tornada n Italia ai pensà: e se provasse a fà l dotor? Nte chela m’ai ciot liber e material per provà a me injegné al test e cussì m’ai metù a studié.
Parcé asto deziso de studié n Germania e no n Italia?
Finì l lizeo linguistich ave provà a fà l ejam de amission n Italia, ma no sonve passada. Podeve donca dezide de provà l an darè o provà da n’autra banda e vede se la jiva. L cuarto an de scole aute l ave bele passà a Berlin, n frego donca save l todesch e alora ai pensà de provà a vede coche la podeva ester n Germania. No save ncora preziso a ce che jive ncontra ma ‘ é na dezijion che ai ciapà cussì, nten vede e no vede.
Deplù te la edizion dl vender, 6 de otober.
