La Usc di Ladins

Bondì Valentina, vosto te prejentà?
Son Valentina Bongi, ei deboto 34 ane, son una psicologa e psico­terapeuta da Anpezo, ei vivù 13 ane a Roma agnó che ei inparà a ra università e ei lourà là alcuan­te anes. Śa un an m’ei tramudà danoo intrà ra me crodes.

Parcé psicologia e parcé Roma?
Fenì ra scora outes son moesta con una asociazion catolica de volontariato e ei vivù par doi ane a San Paolo, in Brasile, agnó che ei conosciù favelas, poerete che vive par strada e anche śente pì sciora. Ei capì che no basta ra bona volontà par dià ra śente, l é da ese boi del fei. Tornada in Italia ei deziso de studià psicolo­gia. Parcé Roma? Una bela zità con despes soroio!

Ce fejelo un psicologo/psicoterapeuta?
Un psicologo el laora su ra preven­zion e su ra jestion del problema senza śì a jaa masa fondo.
El po lourà inze ra scores, inze cooperaties, el po fei projete con tośate cemodo che ei fato io sto an con una scora de musica. El psicoterapeuta, che l à da studià pede outre 4 ane, el proa a capì el parcé che un el sta mal e el se sente intrigà e pò el dia ra parsona a se medeà ra so ferides, che res po ese anche grees e gouja de gran fadia e strusies, tanto da no śì pì adora a sta e a vive inze ra realtà: se parla alora de condi­zion »psicotico-psichiatrica«. No me sa bel parlà de maraties, doro ra parola »ferides«: dute in à e se pó res curà. (Margherita Menardi »Diornista«)

De plu tla edizion stampeda de La Usc di Ladins o sun l e-paper a paiament www.lausc.it/e-paper