La Usc di Ladins

L'edema passada, dai 19 ai 25 de jená, él sté a St. Anton am Arlberg, tl'Austria, i Campionac Mondiai Juniores de schi. Tla discesa á Vicky Bernardi da La Ila davagné la medaia d'arjënt y s'á plazé le de do, tl Super G, al 5. post. Vicky á iniann metü man süa pröma sajun te Nazionala y ince sce al n'ê cina sëgn por ëra nia rové medaies, pó chësc arjënt ti dé na sbürla importanta por les proscimes gares che ara messará afronté. I l'un contatada y ti un fat n valgönes domandes:

La Usc: Vicky, co á pa metü man tüa pröma sajun te Nazionala?
Vicky: I sun pordërt te Nazionala C, adöm cun les atres atletes che fej les disciplines asveltes, mo deache i sun ma de trëi unse podü scomencé da se alené adöm cun la Nazionala B. I un bele scomencé d'isté fora cun i alenamënc, sön i dlacias y te hala tl'Olanda. Tl'Argentina ne ai nia sciafié da jí, deache i á fat le concurs por rové ite tl grup di Carabinieri.

Co ara pa buté cun les gares cina sëgn?
Cina sëgn ne éra pordërt nia jüda tan bun, mo chësc é dagnora dër tipich pro me. Cina mez jená ne feji nia tan de bugn resultac, spo mëtera man da jí sö pert...

Deplü podëise lí tla ediziun stampada dl vëndres ai 27 de jená.