La Usc di Ladins

L é stat na dì de sport, devertiment, e spirit de partegnuda e comunanza, chela che i sozi del Ski Team Fascia à passà ensema en domenia ai 2 de oril su la neif del Ciampac per l tradizionèl »socialone finale«

Na festa de agonism e legreza, a chela che à tout pèrt presciapech 130 atlec de ogne età, dai più picoi ponjins clas 2019 ai veteregn master, con sunsom l ‘inossidabol’ Ettore Costazza, clas 1942, duc a se dèr batalia, dant su la neif per se vadagnèr l titol de campion sozièl de sia categoria e dapò sora desch per ge fèr onor a la marena.

Sciudé ite dal prum soreie d’aisciuda, a peèr via per prumes l é stat i più picoi, che à moscià che che i à emparà ti corsc, la maor pèrt coi schi e n grop ence co la brea. Dapò l é stat la outa de chi mingol più gregn: anter duc i joegn di gropes agonistics a fèr l mior temp l é stat na tousa: la arlieva Lara Markthaler, che con 00:30:27 l’à passà via per pech i compagnes Nicolò Pollam (00:30:55) e Sofia Moldovan (00:30:69).

De più su La Usc stampèda de vender ai 21 de oril.  (LG)