La Usc di Ladins

Per i picoi, jièr dedant a genitores e parents l é na gran emozion. Coi tornoes da peconc che jia la formazions picoles enscin a l’U.12 chest no sozede de spes. E donca, canche toca la partida de cèsa, la voa de se fèr veder la é amò più grana. L é vera che ai picoi hockeysć la families ge va trop do ence en trasferta, ma al Scola l’ocajion de i veder jièr la doventa grana no demò per genitores, fredes e sores, ma ence per giaves, bèrbes, amedes, jormegn e amisc. Coscita en sabeda ai 2 e en domenia ai 3 de mèrz la tribunes del Scola se à fat belebon pienes e da ac, en ocajion di doi tornoes de U.8 e 12.
La più picola formazion di Falcons l’à jià ai 3 de contra a Fiem, Trent e Piné. L’U.12 aea jià enveze en sabeda ai 2. L tornoi aessa cognù te chest cajo vegnir endrezà a Trent, ma per problemes col impiant che sfreida la giacia del stadie, la sozietà de Trent à cognù domanèr de l spostèr e coscita l é stat jià fora te Fascia.

De più su La Usc stampèda de en vender ai 8 de mèrz.  (Daniele Verra)