La Usc di Ladins

Cun la garejada Raiffeisen Beachcup a Tramin s’á tl’ultima fin dl’edema les döes atletes dl’US La Ila porté a ciasa por le secundo iade arjënt, sogan tla categoria U16. Nadine Valentini y Lena Irsara â bele arjunt le secundo scalin dl podest tl Campionat Talian dles Uniuns de beachvolley, soghé ai 8 de jügn a Bibione.
Porimpó s’á les döes jones cun chësta devënta a Tramin, cualifiché por rapresenté le Südtirol al "Trofeo di Territori", che se desfirará ai 22 de jügn a Rosolina Mare. Chiló se sfidará sön saurun atlec y atletes de dötes les provinzies dl Trivenet. (mo)