La Usc di Ladins

N sada, daduman abenëura, fòvel n gran birbl te Schnols. I »mutons« se cialova ju la trassa dla garejeda de paralel sun l purtoi Glockenlift, n purtoi plutosc da plan, ma ideél per na tel sort de cumpetizion. I »aliefs« fajova la ricondizion dl lerch sun l purtoi Lazaun, n purtoi scialdi ërt y mpeniatif.

Dala nuef fova pona l start per duc. Tla garejeda de paralel messòven n iede fé doi iedesc l purtoi de cuali­ficazion y mé i prims 16 pudova pona fé pea la garejeda. Daldò jivela pona a eliminazion direta, chi che furnova plu plan di doi averseres, julova ora. Da auzé ora ie i bon resultat de Vicky Insam, che ie ruveda segonda, Lea Putzer ie ruveda Cuinta y Federica Rigotti ie ruveda 10ejima. Pra I mutons à venciù Mattia Vi­ natzer. Lukas Rabanser ie ruvà cuarto, Stefan Prinoth sesto, Alan Piccolruaz setim, Giovanni Deanesi otaf y Robin Kelder 10ejim.

Per l Schi Club Gherdëina, Petra Perathoner

L articul tla edizion atuela de La Usc di Ladins.